باستى مىندەت – ەلباسى   تاپسىرمالارىن ورىنداۋ

باستى مىندەت – ەلباسى تاپسىرمالارىن ورىنداۋ

كەشە قازاقستان رەسپۋبليكاسى پرەزيدەنتىنىڭ تاپسىرماسىمەن پرەمەر-مينيستر باقىتجان ساعىنتاەۆ پەن پرەزيدەنت اكىمشىلىگىنىڭ باسشىسى ادىلبەك جاقسىبەكوۆ وبلىستىق ءماسليحاتتىڭ كەزەكتەن تىس سەسسياسىنا قاتىستى.
وتىرىس بارىسىندا ۇكىمەت باسشىسى پرەزيدەنتتىڭ وبلىستىق ءماسليحات دەپۋتاتتارىنا باعىتتالعان وبلىس اكىمى قىزمەتىنە اسقار مىرزاحمەتوۆتى تاعايىنداۋ تۋرالى ۇسىنىسى جازىلعان حاتتى وقىپ بەردى. دەپۋتاتتار مەملەكەت باسشىسى ۇسىنعان كانديداتۋرانى ءبىراۋىزدان قولدادى.
بۇدان كەيىن قر پرەمەر-ءمينيسترى باقىتجان ساعىنتاەۆ پەن پرەزيدەنت اكىمشىلىگىنىڭ باسشىسى ادىلبەك جاقسىبەكوۆ وبلىس اكتيۆىمەن كەزدەسىپ، جيىن بارىسىندا جاڭا اكىمدى تانىستىردى.
ۇكىمەت باسشىسى وبلىستىڭ بۇرىنعى اكىمى كارىم كوكىرەكباەۆقا بىرلەسىپ اتقارعان جۇمىس ءۇشىن العىس ايتتى. تانىستىرۋ بارىسىندا باقىتجان ساعىنتاەۆ اسقار مىرزاحمەتوۆتىڭ ءتۇرلى جاۋاپتى باسشىلىق لاۋازىمدارداعى مول تاجىريبەسىن اتاپ ءوتىپ، جاڭا باسشىلىققا مەملەكەت باسشىسىنىڭ قازاقستان حالقىنا ارناعان «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ىسكە اسىرۋ بويىنشا بىرقاتار ناقتى مىندەتتەر قويدى.
سونداي-اق، وبلىس اكتيۆىمەن كەزدەسۋدە «قازفوسفات» جشس-نىڭ باس ديرەكتورى، قازاقستاننىڭ ەڭبەك ەرى مۇقاش ەسكەندىروۆ، وبلىستىق قوعامدىق كەڭەس توراعاسى جاندار كارىباەۆ ءسوز سويلەدى.

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>