جاۋاپسىزدىق جارعا جىعادى |

جاۋاپسىزدىق جارعا جىعادى

ت. رىسقۇلوۆ اۋدانىندا بىرقاتار لاۋازىم يەلەرى مەملەكەتتىك قىزمەت ىستەرى تۋرالى زاڭنامانىڭ جانە ادەپ كودەكسى تالاپتارىن بۇزىپ، ورەسكەل قاتەلىك جاساعان. ماسەلەن، اۋدان اكىمدىگى كاسىپكەرلىك جانە ونەركاسىپ ءبولىمىنىڭ باسشىسى نۇرجان الكەرەەۆ بولىمگە باس ماماندى جۇمىسقا قابىلداردا زاڭ تالابىن ساقتاماعان. وسى ءۇشىن اۋدان باسشىسى ءبولىم باسشىسىنا ەسكەرتۋ بەرىپتى. ال اقبۇلاق اۋىلدىق وكرۋگى اكىمى ە. قۇلمانوۆ جەتەكشى ماماننىڭ مىندەتىن اتقارۋدى بۇرىن سىبايلاس جەمقورلىق ارەكەتكە جول بەرگەن قىزمەتكەرگە جۇكتەگەن. بۇل ماسەلە دە نازاردان تىس قالماي، اكىمشىلىك قۇقىق بۇزۋشىلىق تۋرالى حاتتاما تولتىرىلىپ، اۋداندىق سوتتىڭ شەشىمىمەن اۋىل اكىمىنە 100 ايلىق ەسەپتىك كورسەتكىش تۇرىندە ايىپپۇل سالىنىپ، جەتەكشى مامان قىزمەتىنەن بوساتىلعان.

ادەپ جونىندەگى كەڭەستىڭ كەزەكتى وتىرىسىندا ت.رىسقۇلوۆ اۋدانىنىڭ اكىمى اسقار قىرىقباەۆ وسى جايتتاردى مالىمدەپ، ادەپ كودەكسى تالاپتارىن ساقتاماعان قىزمەتشىلەرگە قولدانىلعان تارتىپتىك شارالار تۋرالى باياندادى. سولاردىڭ قاتارىندا وزدەرىنە جۇكتەلگەن مىندەتتەردى تيىسىنشە ورىنداماي، باقىلاۋدى السىرەتكەندەرى ءۇشىن سوگىس العان اۋدان اكىمى اپپاراتى پەرسونالدى باسقارۋ قىزمەتى بولىمشەسىنىڭ باسشىسى رۋسلان ورازحان، قاتاڭ سوگىس ارقالاعان وسى بولىمشەنىڭ باس مامانى عالىم جۇماتاەۆ بار. اسقار سانات ۇلى الداعى ۋاقىتتا بارلىق لاۋازىم يەلەرىنىڭ جۇمىسىنا قاتاڭ قاداعالاۋ جۇرگىزىپ، جۇمىستى وڭ جولعا قوياتىنىن ايتتى.
ادەپ جونىندەگى كەڭەستە وبلىس بويىنشا ىشكى مەملەكەتتىك اۋديت دەپارتامەنتىنىڭ تالاس اۋدانى اكىمدىگى تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى نۇرجان سادىقبەكوۆتىڭ ۇستىنەن تارتىپتىك ءىس قوزعاعانى ءمالىم بولدى. ونىڭ سالعىرتتىعىنان قاراتاۋ قالاسىنداعى دۋلاتوۆ، اقكول اۋىلىنداعى اباي جانە توقتارباەۆ كوشەلەرىن ورتاشا جوندەۋگە تەحنيكالىق نەگىزدەمەلەر جانە جۇمىس جوباسى جاسالماعان، تەك سمەتالىق ەسەپ جاساۋمەن شەكتەلگەن. سونىمەن قاتار اقكول اۋىلىنداعى اباي كوشەسىن ورتاشا جوندەۋگە بولىنگەن 21 ميلليون 732 مىڭ تەڭگەنى بىرىڭعاي ۇيىمداستىرۋشىعا ۇسىنباي، ءوزى باسقاراتىن مەكەمە ارقىلى وتكىزگەن.
جيىندا بەلگىلى بولعانى – زاڭسىزدىقتارعا جول بەرگەندەر باسقا دا مەكەمەلەردە دە بار ەكەن. ماسەلەن، وبلىستىق ىشكى ىستەر دەپارتامەنتى اكىمشىلىك پوليتسيا باسقارماسى ازاماتتارعا جۇرگىزۋشى كۋالىكتەرىن بەرۋدە جانە باسقا دا قىزمەت تۇرلەرىندە ولقىلىقتارعا جول بەرگەن. ال تاراز قالاسى جەر قاتىناستارى بولىمىندە دە قىزمەت الۋشىلارعا قىزمەت كورسەتۋ كەزىندە زاڭ بۇزعان. سونداي-اق قورداي اۋدانىنداعى اۋقاتتى اۋىلدىق وكرۋگىنىڭ اكىمى دانيار قارىمساقوۆ، ءسۇلۋتور اۋىلدىق وكرۋگىنىڭ اكىمى ەركەباي مىرزاقۇلوۆ تا ءتارتىپ بۇزۋشىلىققا جول بەرىپتى.
جيىن سوڭىندا ادەپ كەڭەسىنىڭ مۇشەلەرى وبلىستىق ىشكى ىستەر دەپارتامەنتى اكىمشىلىك پوليتسيا باسقارماسىنىڭ باسشىسى سەرىك جۇنىسبەكوۆ پەن تاراز قالاسى جەر قاتىناستارى ءبولىمىنىڭ باسشىسى باقىتجان سۇگىربەكوۆكە ەسكەرتۋ بەرۋ، وزگەلەرگە قىزمەتىنە تولىق سايكەس ەمەس دەگەن شەشىم شىعاردى.

ەسەت دوسالى

 

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>