اپات ايتىپ كەلمەيدى

توتەنشە جاعدايلارعا بايلانىستى دايىندىقتار پىسىقتالدى

ءبىزدىڭ ءوڭىر جەر سىلكىنىسى بولۋى مۇمكىن ايماقتاردىڭ قاتارىنا جاتادى. سوندىقتان، قاتەرلى جاعدايلاردىڭ الدىن الىپ، ادام ءومىرىن ساقتاپ قالۋ اسا وزەكتى.

IMG_2208 IMG_2061 IMG_2038ءۇش جىل سايىن جەر سىلكىن-ءىسىنىڭ قاۋپى بار وبلىستاردا ۇيىمداستىرىلاتىن رەسپۋب-ليكالىق كوماندالىق –شتابتىق وقۋ-جاتتىعۋ شاراسى – «جەر-2017» بەيسەنبى كۇنى تاراز قالاسىندا ءوتتى.
«جامبىل وبلىسىنداعى جويقىن جەر سىلكىنىسى سالدارىنان تۋىنداعان توتەنشە جاعدايلاردى جويۋ كەزىندەگى ءىس-قيمىلدارعا باسقارۋ ورگاندارىن جانە ازاماتتىق قورعاۋ مەملەكەتتىك جۇيەسىنىڭ كۇشتەرىن دايىنداۋ» تاقىرىبىمەن وتكەن وقۋ-جاتتىعۋ جيىنىنا ەلىمىزدىڭ ىشكى ىستەر مينيسترلىگىنىڭ بولىمشەلەرى، وبلىس اكىمىنىڭ ورىنباسارلارى، ورتالىق جانە جەرگىلىكتى اتقارۋشى ورگاندار، اۆاريالىق قۇتقارۋ قىزمەتتەرى مەن قۇرامالارى، وبلىسىمىزدىڭ ازاماتتىق قورعاۋ قىزمەتتەرى، قورعانىس مينيسترلىگىنىڭ اسكەري بولىمدەرى قاتىستى. وقۋ-جاتتىعۋ جيىنىنا ارناپ، تارازداعى كولىك بازارى اۋماعىندا، 10 گەكتار جەرگە اسكەري شاتىرلاردان قالاشىق تۇرعىزىلدى.
وقۋ-جاتتىعۋ شاراسىنا ارنايى كەلگەن ىشكى ىستەر ءمينيسترىنىڭ ورىنباسارى يۋري يلين وبلىس اكىمىنىڭ ورىنباسارلارىمەن جانە توتەنشە جاعدايلار سالاسىنىڭ ماماندارىمەن جيىن وتكىزدى. باسقوسۋدا رەسپۋبليكالىق سەيسمەي-كالىق ينستيتۋت ماماندارى وبلىسىمىزدا 8-9 بالل شاماسىندا جەر سىلكىنۋى قاتەرى بار ەكەنىن ايتىپ، ساقتانۋ شارالارىنا توقتالدى. وبلىس اكىمىنىڭ ءبىرىنشى ورىنباسارى بەكبولات ورىنبەكوۆ وڭىردەگى اپاتتى جاعدايلارعا قارسى اتقارىلىپ جاتقان جۇمىستاردىڭ بارىسىن ايتتى.

مۇنان سوڭ ىشكى ىستەر ءمينيسترىنىڭ ورىنباسارى يۋري يلين مەن وبلىس اكىمىنىڭ ءبىرىنشى ورىنباسارى بەكبولات ورىنبەكوۆ وبلىسىمىزداعى توتەنشە جاعداي قىزمەتىنە ارنالعان قۇرىلىمداردىڭ كوماندالىق قۇرامىمەن تانىستى. ولار الدىمەن قوعامدىق ءتارتىپ ساقتاۋ جانە ءورت سوندىرۋشىلەر كومانداسىمەن كەزدەستى. يۋ.يلين جەدەل قۇتقارۋ كومانداسىنىڭ ارنايى كيىمدەرىنە، اۆتوساتىسى مەن سۋ شاشاتىن اۆتوماشينالارىنا نازار اۋداردى.

سونداي-اق، ءمينيستردىڭ ورىنباسارى ماڭعىستاۋ وبلىسىنىڭ توتەنشە جاعدايلار قىزمەتى ورنالاسقان شاتىرداعى جىلجىمالى باسقارۋ كەشەنىمەن تانىستى. ماڭعىستاۋ وبلىستىق توتەنشە جاعدايلار دەپارتامەنتى تۇراقتاندىرۋ جانە بايلانىس ءبولىمىنىڭ باسشىسى قالدىباي قاراجانوۆ بۇل قوندىرعى كەز كەلگەن نۇكتەدەن، كەز كەلگەن جاعدايدا بايلانىس تاراتا الاتىنىن، «سپۋتنيك» بايلانىس، تولقىندى جانە قىسقا تولقىندى بايلانىستار تاراتۋعا مۇمكىندىگى مول ەكەنىن ايتىپ بەردى. ءمينيستردىڭ ورىنباسارى وسىنداي جاڭاشىل، ءتيىمدى قوندىرعىلاردى وزگە وڭىرلەردىڭ دە قولدانۋى قاجەتتىگىن اتاپ ءوتتى.

* * *
وقۋ-جاتتىعۋ جيىنىنىڭ ەكىنشى كۇنى دە ماڭىزدى شارالارعا تولى بولدى. بۇل كۇنگى شارا تارازدىڭ «اراي» مولتەك اۋدانىندا ورنالاسقان 5 قاباتتى تۇرعىن ۇيلەردە قاۋىپتى جاعداي ورىن العان ساتتە قانداي كومەك كورسەتىلۋى كەرەك ەكەنىنەن باستالدى. وسى ورايدا كوپ قاباتتى ءۇيدىڭ 5 قاباتىنان سەكىرگەن ادامداردى ارنايى قۇرىلعىلار ارقىلى قۇتقارۋ، پاتەرلەردەن تۇرعىنداردى جەدەل الىپ شىعۋ شارالارى ۇيىمداستىرىلدى. ءىس-شارا بارىسىندا قۇتقارۋ توبى «قازفوسفات» جاۋاپكەرشىلىگى شەكتەۋلى سەرىكتەستىگى تاراز مەتاللۋرگيا زاۋىتى اۋماعىندا دا جاتتىعۋ جۇمىستارىن جۇرگىزدى. مۇندا مۇناي ونىمدەرى بار قويما، حيميالىق ونىمدەر قويماسى «ورتكە ورانىپ»، ونىڭ سالدارىنان تۋىنداعان اپاتتى جويۋ جۇمىستارى جۇزەگە استى. ارنايى توپتىڭ كومەگىمەن «قىزىل جالىن» جەدەل اۋىزدىقتالىپ، زاۋىت قىزمەتكەرلەرىنە اپاتتىڭ الدىن الۋ شارالارى دا ءتۇسىندىرىلدى. اپاتتان قۇتقارۋ جۇمىستارى «جامبىل ەلەكتر جەلىسى» جاۋاپكەرشىلىگى شەكتەۋلى سەرىكتەستىگىندە دە تالاس تەمىر جول ستانساسىندا دا جۇزەگە استى. اۆاريالىق قۇتقارۋ قىزمەتى قۇرىلىمدارىنىڭ جۇمىستارى وسىلاي جالعاستى. قانداي اپات كەزىندە دە ناتيجەلى شارا قولدانۋعا مۇمكىندىكتەر بار ەكەن. وقۋ-جاتتىعۋ جيىنىنا جينالعانداردىڭ كوزى وسىعان جەتتى.
مۇنان سوڭ رەسپۋبليكالىق قۇرىلىمداردىڭ ۇيىمداستىرۋمەن اپاتتان قۇتقارۋعا ارنالعان تىكۇشاق تاراز كولىك بازارى اۋماعىنا كەلىپ قوندى. تىكۇشاقتان قۇتقارۋ توبىنىڭ وكىلدەرى ءتۇسىپ، جاڭا قوندىرعىلارمەن تانىستىردى. بۇدان كەيىن ۇيلەردىڭ قيراعان ورنى مەن قۇلاعان تالداردىڭ، ۇيىندىلەردىڭ اراسىنان ءيىسشىل يتتەردىڭ كومەگىمەن «اپاتقا ۇشىراعان» ادامدار ىزدەستىرىلىپ، تابىلىپ، ولارعا جەدەل مەديتسينالىق كومەك كورسەتىلدى. جالپى، ەكى كۇندىك شاراعا 2 مىڭ ادام قاتىسىپ، 180-نەن استام تەحنيكا جۇمىلدىرىلدى.
رەسپۋبليكالىق وقۋ-جاتتىعۋ جيىنىنىڭ سوڭىندا ىشكى ىستەر ءمينيسترىنىڭ ورىنباسارى يۋري يلين باق وكىلدەرىنە سۇحبات بەرىپ، شارانىڭ ەكى كۇن بويى جوعارى دەڭگەيدە وتكەنىن، وبلىس اۋماعىنداعى قۇرىلىمداردا توتەنشە جاعدايلار بولا قالعان كەزدەردە قۇتقارۋ جۇمىستارىن جۇزەگە اسىرۋعا دايىندىق جاقسى ۇيىمداستىرىلعانىن ايتتى.
كەلەسى كەزەكتە وبلىس اكىمىنىڭ ءبىرىنشى ورىنباسارى بەكبولات ورىنبەكوۆ ءسوز الىپ، ءبىزدىڭ ءوڭىر جەر سىلكىنىسى بولۋى قاۋپى بار ايماققا جاتاتىنىن، اسىرەسە، تاراز قالاسى مەن جۋالى، جامبىل، بايزاق، ت.رىسقۇلوۆ، تالاس اۋداندارى بۇل جاعدايعا بەيىم ەكەنىن اتاپ ءوتتى. سونداي-اق، ول بۇگىنگى شارا اپاتتى جاعدايلارعا قاتىستى ەرەجەلەردى ءبىلىپ جۇرۋدە تۇرعىنداردىڭ بەلسەندىلىگىن ارتتىراتىنىن، توتەنشە جاعدايعا دايىن بولۋعا بەيىمدەيتىنىن ايتتى. سونىمەن قاتار وقۋ-جاتتىعۋعا بەلسەنە قاتىسقاندارعا ريزاشىلىعىن ءبىلدىردى.

ەسەت دوسالى،
«اق جول».

سۋرەتتەردى تۇسىرگەن اقادىل رىسماحان.

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>