الەۋمەتتى الاڭداتقان سان ساۋال

الەۋمەتتى الاڭداتقان سان ساۋال

جاۋابى ناقتى، شەشىمى دە تابىلادى

DSC_1976 IMG_1958 IMG_5231 b0536806-6700-4f4f-a974-8db01ba34766

جىل ايرىعىندا ايماق باسشىسى كارىم كوكىرەكباەۆ «Jambyl» تەلەارناسىندا وتكەن «اكىم ساعاتىندا» وڭىردەگى ىلكىمدى ىستەردى تىلگە تيەك ەتىپ، الداعى ۋاقىتتا اتقارىلار اۋقىمدى جۇمىستاردىڭ جوسپارلارىمەن بولىسكەن بولاتىن. كورەرمەنمەن كەرى بايلانىس ورناعان تىكەلەي ەفيردە وبلىس اكىمى اۋليەاتالىقتاردى تولعاندىرعان ساۋالدارعا دا كەڭىنەن جاۋاپ بەرگەن ەدى. دەگەنمەن، 1 ساعاتتان اسقان سۇحبات بارىسىندا 10 اۋداننان جانە تاراز قالاسىنىڭ تۇرعىندارىنان كەلىپ تۇسكەن تولاسسىز سۇراقتاردى تولىق قامتۋعا ۋاقىت جەتپەگەن ەدى. سوندىقتان، كورەرمەن كوتەرگەن ماسەلەلەر ارنايى Call-ورتالىقتا جيناقتالىپ، وعان بەرىلەر جاۋاپ جەرگىلىكتى ءباسپاسوز ارقىلى جاريالانىپ وتىر.

جانۇزاق نəمەتقۇلوۆ، زەينەتكەر:
– قۇرمەتتى كəرىم نəسبەك ۇلى، قازىرگى ۋاقىتتا مەملەكەتتىڭ قولداۋىمەن سۋ ماسەلەسى شەشىلۋدە، جىلدام ينتەرنەت قوسىلۋدا. ءبىز تاراز قالاسىنىڭ «بۋرىل» القابىندا (پۋشكين كوشەسىنىڭ اياعى) تۇرامىز. بۇگىنگى كۇنگە دەيىن سۋ جانە تەلەفون جۇرگىزۋگە قاتىستى مəسەلەلەر شەشىمىن تاپپاي وتىر. «قازاقتەلەكوم» جەلىنى جۇرگىزۋگە قاجەتتى باعانداردى وزدەرىڭىز ساتىپ الساڭىزدار عانا جۇرگىزەمىز دەپ وتىر. وسى ماسەلەنى شەشۋ جولدارىن قاراستىرۋدى سۇرايمىز.

جاۋاپ:
– سالەمەتسىز بە، جانۇزاق نامەتقۇلوۆ!
2018 جىلى «بۋرىل ا، ب، ۆ» القابىنىڭ سەرۆيستىك سۋ قۇبىرى جەلىلەرىنىڭ قۇرىلىسىن سالۋ نىسانىنا 334،6 ميلليون تەڭگە ءبولىندى (ونىڭ ىشىندە: رەسپۋبليكالىق بيۋدجەت ەسەبىنەن – 301 ميلليون 155 مىڭ تەڭگە، ال وبلىستىق بيۋدجەت ەسەبىنەن 33 ميلليون 461 مىڭ تەڭگە). كونكۋرستىق قۇجاتتار وبلىستىق قۇرىلىس، جولاۋشىلار كولىگى جانە اۆتوموبيل جولدارى باسقارماسىنا ۇسىنىلدى.
سمەتالىق قۇجات بويىنشا ا.س.پۋشكين كوشەسىنىڭ سوڭىنان سەرۆيستىك سۋ قۇبىرى وتەتىن بولادى.
سونىمەن قاتار، اتالعان القاپتى سۋمەن قامتاماسىز ەتۋ ءۇشىن سمەتالىق قۇنى 194،2 ميلليون تەڭگەنى قۇرايتىن «بۋرىل ا، ب، ۆ» القابىندا سۋ قۇبىرى جۇيەلەرىن ۇلعايتۋ قۇرىلىسى» نىسانىن جۇرگىزۋ قاجەت. قارجىلاندىرۋ بويىنشا بيۋدجەتتىك ءوتىنىم جوعارى تۇرعان بيۋدجەتكە ۇسىنىلعانىمەن، بۇگىنگى تاڭدا قولداۋ تاپپاي وتىر. اتالعان ماسەلە نازارعا الىنعان.
ال تەلەفون بايلانىسى بويىنشا «بۋرىل» القابى ا.س. پۋشكين كوشەسىنىڭ سوڭىنا سىمسىز تەلەفون بايلانىسىن جانە ينتەرنەت (LTE 4G) جەلىسىن ورناتۋ «قازاقتەلەكوم» اق وڭتۇستىك وڭىرلىك تەلەكوممۋنيكاتسيالار ديرەكتسياسىنىڭ جامبىل ججتت-عا ءوتىنىش بەرۋ ارقىلى ىسكە اسىرىلادى.

رۋستام قۇدايبەرگەنوۆ، تاراز قالاسىنىڭ تۇرعىنى:
– مەن تاراز قالاسىنىڭ ءى.ەسەنبەرلين كوشەسىنىڭ تۇرعىنىمىن (بۇرىنعى فرۋنزە كوشەسى)، بۇل اۋماقتى شاھاردىڭ ورتالىعى دەۋگە دە بولادى. بىراق، كوشەدە اسفالت جول دا، جارىق تا جوق. مەكتەپتەن كەش قايتاتىن بالالار ءۇشىن قيىن، بالشىققا اياعى تايىپ، قۇلاپ جاتادى. وسىعان ءبىر شارا قولدانىلار ما ەكەن؟

جاۋاپ:
– 2018 جىلى تاراز قالاسىنداعى ءى.ەسەنبەرلين كوشەسىن اسفالتتاۋ جانە جارىقتاندىرۋ ءۇشىن جوبالىق-سمەتالىق قۇجاتتارىن جاساۋ جوسپارلانۋدا.

سۇراق:

– «ءشولدالا» ەلدى مەكەنىنە گاز قاشان تارتىلىپ بىتەدى؟ سول «ءشولدالا» ەلدى مەكەنىنىڭ كوشەلەرىندە جارىق جوق. وندا تۇراتىن ادامداردىڭ بارلىعى قاراپايىم حالىق. تۇندە قاتىناۋ ءۇشىن ءبىر ۆاگون تەمىر جولمەن قاتىناس ۇيىمداستىرسا بولماي ما؟ ءوزىڭىز ايتقان 2025 جىل دەگەن تىم ۇزاق، ودان ەرتەرەك بولسا…
جاۋاپ:
– 2017 جىلى وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى ارقىلى رەسپۋبليكالىق بيۋدجەت ەسەبىنەن 646،1 ميلليون تەڭگەگە «ءشولدالا» تۇرعىن القابىنا گاز قۇبىرىن كەلتىرۋ قۇرىلىسىن سالۋ» نىسانى بويىنشا قۇرىلىس جۇمىستارى جۇرگىزىلدى.
القاپتاعى جەكە تۇرعىن ۇيلەرگە ينجەنەرلىك ينفراقۇرىلىمداردى، ياعني گاز، ەلەكتر جەلىلەرىن جۇرگىزۋ ماقساتىندا جوبالىق-سمەتالىق قۇجات دايىنداۋعا قاجەتتى قاراجات كولەمىن انىقتاۋ ءۇشىن كوشەلەردىڭ سىزبالارى، ءتوپوتۇسىرىلىم جانە ۇيلەردىڭ ناقتى سانى تۋرالى مالىمەتتەر جيناقتالۋى قاجەت. قاجەتتى مالىمەتتەر جيناقتالعان سوڭ، جوبالىق-سمەتالىق قۇجاتتاردى دايىنداۋعا قارجى ءبولۋ تۋرالى بيۋدجەتتىك ءوتىنىم جاسالاتىن بولادى.

ماقسات بيمۇرزاەۆ:
– سالەمەتسىز بە، تاراز قالاسىنىڭ شاعىن اۋداندارىنىڭ مۇشكىل جاعدايى تۋرالى قالا اكىمىنەن جاۋاپ الساڭىز ەكەن.
جاۋاپ:
– تاراز قالاسىندا 13 شاعىن اۋدان بار، ونىڭ ەكەۋى جاڭا. قالا اكىمىنىڭ باسشىلىعىمەن قوعامدىق جۇمىسشىلار جانە جەكەمەنشىك پاتەرلەر كووپەراتيۆى ارقىلى كوكتەم-كۇز ايلارىندا 2 ايلىق اباتتاندىرۋ-تازالىق جۇمىستارى جۇرگىزىلەدى. كوپ پاتەرلى تۇرعىن ۇيلەردىڭ اۋلاسىندا تۇرعىنداردىڭ وزدەرى دە سەنبىلىكتەر ۇيىمداستىرىپ، تازالىققا اتسالىسۋدا. شاعىن جانە ورتا بيزنەس وكىلدەرى ءوز كاسىپكەرلىك نىساندارى ورنالاسقان اۋماقتى قوقىستان تازارتىپ، اعاشتىڭ تۇپتەرىن اقتاپ، جاڭا كوشەتتەر وتىرعىزۋدا. 2018 جىلى «قاۋىپسىز اۋلا» باعدارلاماسى شەڭبەرىندە 50 كوپ پاتەرلى تۇرعىن ءۇيدىڭ اۋلاسىن جارىقتاندىرۋ جانە اباتتاندىرۋ جۇمىستارىن جۇرگىزۋ جوسپارلانۋدا.
دەگەنمەن، بىرقاتار كوپ پاتەرلى تۇرعىن ۇيلەر كووپەراتيۆكە كىرمەگەن، كوندومينيۋمعا قوسىلۋعا زاڭدى قۇجاتى جوق. وكىنىشتىسى، سونداي ۇيلەردىڭ اۋماعى قاراۋسىز قالىپ، اۋلاسىندا قاتتى تۇرمىستىق قالدىقتار ءۇيىلىپ، شىعارىلماي قالعان. سوعان قاراماستان، تاراز قالاسى اكىمدىگىنىڭ قاداعالاۋىمەن «جاسىل ەل – تاراز» جشس قاراۋسىز اۋماقتارعا تازالىق جۇمىستارىن جۇرگىزۋدە جانە اكىمدىكتىڭ تۇرعىن ءۇي شارۋاشىلىعىنا جاۋاپتى ءبولىمنىڭ ماماندارى تۇرعىندار اراسىندا كووپەراتيۆكە بىرىگۋدىڭ تيىمدىلىگى تۋرالى ءتۇسىندىرۋ جۇمىستارىن جۇرگىزىپ جاتىر.

اكەجان ساماتوۆ:
– «اراي» يىنىندە مەكتەپ جوق، جول جوق. قوعامدىق كولىكتەر مولتەك اۋداندارعا قاتىنامايدى. وسى ماسەلە قاشان شەشىمىن تابادى؟ راحمەت!
جاۋاپ:
– بەكىتىلگەن اۋماق بويىنشا «اراي» ءيىنى «مىڭبۇلاق»، «الاتاۋ» مولتەك اۋداندارىندا ورنالاسقان №47 جانە №48 ورتا مەكتەپتەرگە، «كوكتەم» ءيىنى №49 مەكتەپ-گيمنازياعا قاراستى. اتالعان ءبىلىم مەكەمەلەرىندە «اراي، «كوكتەم» القاپتارىنان بارلىعى 472 وقۋشى قوعامدىق كولىكتەرمەن قاتىناپ وقيدى.
«اراي» جانە «كوكتەم» القاپتارىندا تۇراتىن وقۋشىلار ءۇشىن «اراي» القابىنان مەكتەپ سالۋعا قاجەتتى جەر تەلىمىن قاراستىرۋ تۋرالى اتا-انالار تاراپىنان ۇسىنىستار بەرىلگەن. بىراق القاپتا مەكتەپ عيماراتىن سالۋعا قاجەتتى جەر تەلىمى بولماعاندىقتان، اتالعان ماسەلە شەشىمىن تاپقان جوق.
وسىعان بايلانىستى، جوعارى ورىندارعا بەرىلگەن ۇسىنىستاردىڭ ناتيجەسىندە «اراي» القابىنا جاقىن ورنالاسقان «بايتەرەك» مولتەك اۋدانىنان سالىناتىن مەكتەپ قۇرىلىسىنىڭ جوبالىق سىيىمدىلىعى ارتتىرىلىپ، قازىرگى ۋاقىتتا 1200 ورىندىق مەكتەپتىڭ قۇرىلىسى جۇرگىزىلۋدە. مەكتەپ قۇرىلىسى 2018 جىلدىڭ 4-توقسانىندا اياقتالادى.
جاڭادان سالىنىپ جاتقان مەكتەپكە قاتىنايتىن جولداردىڭ بارلىعى قاراستىرىلعان. مەكتەپ عيماراتىنىڭ قۇرىلىسى اياقتالعاننان كەيىن «اراي» القابىنىڭ وقۋشىلارىن جاقىن ورنالاسقان «بايتەرەك» مولتەك اۋدانىنداعى مەكتەپكە ورنالاستىرۋعا تولىق مۇمكىندىك بار.
«تاراز قالاسى، «اراي» القابىندا قيىرشىق تاسجولى قۇرىلىسى» نىسانى بويىنشا مەردىگەر «ارايسترويماركەت – 2003» جشس-مەن 227،1 ميلليون تەڭگەگە كەلىسىمشارت جاسالدى (2017 جىلعا 90،8 ميلليون تەڭگە، 2018 جىلعا 136،3 ميلليون تەڭگە قاراستىرىلعان). مەردىگەر تاراپىنان 2017 جىلعا جوسپارلانعان جۇمىستار تولىق اياقتالدى. قۇرىلىس جۇمىستارى 2018 جىلى تولىق اياقتالادى.
«اراي» تۇرعىن القابىنا ايشا ءبيبى كوشەسى ارقىلى تۇراقتى قالالىق №23 اۆتوبۋس باعىتى 10 كەستەمەن ء(جۇرۋ ارالىقتارى – 12-15 مينۋت) جانە دومالاق انا كوشەسىنە دەيىن تۇراقتى قالالىق №1 اۆتوبۋس باعىتى 14 كەستەمەن ء(جۇرۋ ارالىقتارى – 12-13 مينۋت) ۇزدىكسىز قاتىناۋدا.
سونداي-اق، «كوكتەم»، «اراي» تۇرعىن القاپتارىنا ابىشەۆ كوشەسى ارقىلى تۇراقتى قالالىق №19 اۆتوبۋس باعىتى 11 كەستەمەن ء(جۇرۋ ارالىقتارى – 12-15 مينۋت) قاتىنايدى. اتالعان اۆتوبۋس باعىتتارىنىڭ قوزعالىستارى مولتەك اۋدانداردى قامتيدى.
قازىرگى تاڭدا «اراي» تۇرعىن القابىندا جول جاعدايىنىڭ ناشار بولۋ سەبەبىنەن قوعامدىق كولىكتى تۇرعىن القاپتىڭ ىشىمەن جۇرگىزۋ مۇمكىن ەمەس.

ارداق (@ardon240489):
– قازپوسەلوككە قاشان اسفالت سالادى ەكەن، مەكتەپ، بالاباقشا كەرەك.
جاۋاپ:
– تاراز قالاسىنداعى قازپوسەلوك تۇرعىن اۋماعىندا «قازترانسگاز ايماق» اق تاراپىنان 2019 جىلعا «تاراز قالاسىنىڭ گاز تاراتۋ جۇيەلەرىن مودەرنيزاتسيالاۋ» ينۆەستيتسيالىق جوباسى اياسىندا جەرۇستى گاز جۇيەلەرىن جەراستى پوليەتيلەن قۇبىرلارىنا اۋىستىرۋ جۇمىستارى جۇرگىزىلەدى. وسى سەبەپتى اتالعان اۋماقتىڭ كولىك جۇرەتىن جولدارىن اسفالتتاۋ جوعارىدا ايتىلعان جۇمىستار اياقتالعاننان كەيىن قولعا الىنادى. 2018 جىلى وسى جولداردى اسفالتتاۋ جۇمىستارىنا جوبالاۋ-سمەتالىق قۇجاتتارى دايىندالاتىن بولادى.

Instagram

@onlinetaraz:
– قۇرمەتتى كəرىم ناسبەك ۇلى! تاراز قالاسىنداعى بازارلاردى مودەرنيزاتسيالاۋ جۇمىستارى نەگە جۇرمەيدى؟ مولتەك اۋداندارداعى جابايى بازار تىيىلار ەمەس، قالا تارىلىپ جاتىر. كوشەلەردە ەكى قاباتتى مەيرامحانالار مەن بازارلار كوبەيىپ كەتتى، وسى ماسەلەلەردى سəۋلەت باسقارماسى نەگە قولعا المايدى؟ قالا ەمەس، اۋىلعا اينالىپ جاتقانداي.
جاۋاپ:
– قازىرگى تاڭدا تاراز قالاسىنىڭ اۋماعىندا 18 ساۋدا بازارى جۇمىس ىستەيدى. ونىڭ ىشىندە «اتاكەنت-تاراز»، «ورتالىق بازار»، «قايقارمەت»، «بەك» بازارلارى تالاپتارعا ساي ورنالاسقان. ال «جىبەك جولى»، «نۇرالى»، «ىستى»، «داۋلەت» جانە اۆتوتاۋارلار بازارلارى جاڭعىرتۋدى تالاپ ەتەدى.
2017 جىلى «ارزان»، «مىڭبۇلاق» ساۋدا ورتالىقتارىندا جاڭعىرتۋ جۇمىستارى جۇرگىزىلسە، 2018 جىلى «سالتانات» بازارى جاڭعىرتۋدان وتەدى دەپ كۇتىلۋدە.
قالا اۋماعىندا زاڭسىز، بەلگىلەنبەگەن جەرلەردە ساۋدا ورىندارىنىڭ الدىن الۋ جانە رەتكە كەلتىرۋ ماقساتىندا قالالىق جۇمىسشى توبى جۇمىس ىستەيدى.
2017 جىلى قالالىق جۇمىسشى توبى قالا اۋماعىندا بەلگىلەنبەگەن جەرلەردەگى ساۋدا ورىندارىنا مونيتورينگ جۇرگىزىپ، زاڭسىز ورنالاسقان 10 ساۋدا ورنىن انىقتادى. قالالىق جەرگىلىكتى پوليتسيا قىزمەتىمەن بىرلەسە اتقارىلعان جۇمىستاردىڭ ناتيجەسىندە 4 زاڭسىز ساۋدا وشاعى جويىلدى:
- قازىبەك بي كوشەسى («ورتالىق گاسترونوم» الدى);
- ايتەكە بي كوشەسى («دامدەس» دۇكەنىنىڭ اۋماعى);
- اباي داڭعىلى مەن پەتروۆ كوشەسىنىڭ قيىلىسى;
- بايزاق باتىر مەن جەلتوقسان كوشەلەرىنىڭ قيىلىسى.
سونىمەن قاتار، رىسبەك باتىر، ت.رىسقۇلوۆ جانە س.سەيفۋللين كوشەلەرىندەگى، «سەيفۋللين» جانە «لەرمونتوۆ» ايالدامالارىنىڭ ماڭىنداعى ساۋدا ورىندارى رەتكە كەلتىرىلدى.
2017 جىلى تاراز قالاسىنىڭ باس جوسپارىن جۇزەگە اسىرۋ بويىنشا قالا قۇرىلىسى جوبالارىن دايىنداۋعا وبلىستىق بيۋدجەتتەن 311،4 ميلليون تەڭگە ءبولىنىپ، مەردىگەر «تابىس جوبا» جشس-مەن تولە بي، اباي، جامبىل داڭعىلدارىنىڭ، كومراتوۆ، ى.سۇلەيمەنوۆ، ا.س.پۋشكين كوشەلەرىنىڭ، قالانىڭ ورتالىق اۋماعىنىڭ جانە تالاس وزەنى بويىنىڭ ەگجەي-تەگجەيلى جوسپارلاۋ جوبالارى تولىق ازىرلەندى.
تاراز قالاسىنىڭ ورتالىق كوشەلەرىنىڭ ساۋلەتتىك كەلبەتىنىڭ نەگىزگى تۇجىرىمدامالارى وسى جوبالارعا ەنگىزىلگەن. قالا ورتالىعىنداعى نەگىزگى كوشەلەر بويىنداعى نىسانداردىڭ كەلبەتى وسى جوسپارلاۋ جوباسىندا كورسەتىلگەن ساۋلەتتىك شەشىمدەر نەگىزىندە رەتتەلەتىن بولادى.
بۇگىنگى تاڭدا بەكىتىلگەن قالا قۇرىلىسى جوبالارىنىڭ نەگىزىندە قالا قۇرىلىسى رەگلامەنتىن دايىنداپ، بەكىتۋ كوزدەلگەن. بۇل جۇمىستار 2018 جىلى ىسكە اسىرىلادى. وسى قۇجاتتار بويىنشا قالا اۋماعىنداعى رەتسىز سالىنىپ جاتقان قۇرىلىستارعا، سونىڭ ىشىندە مەيرامحانالار مەن بازارلارعا زاڭ جۇزىندە شەكتەۋلەر قويىلاتىن بولادى.

سۇراق:
– «قاراساي» القابىنا اسفالت قاشان سالادى ەكەن، مەكتەپ جانە بالاباقشا كەرەك.
جاۋاپ:
– «قاراساي» القابى تاراز قالاسىنىڭ سولتۇستىك-شىعىسىندا ورنالاسقان. اۋماعى – 2100 گەكتار، ۇزىندىعى – 2،2 شاقىرىم، ەنى – 0،8-0،9 شاقىرىم. القاپتى 5000-نان استام تۇرعىن مەكەن ەتەدى. القاپ جەكە مەنشىك شاعىن ۇيلەردەن تۇرادى، تۇرعىندارىنىڭ كوپشىلىك بولىگىن قازاق، تۇرىك، ورىس ۇلتتارى قۇرايدى.
جالپى «قاراساي» القابىندا مەكتەپكە دەيىنگى ءبىلىم مەكەمەلەرى مەن جالپى ورتا ءبىلىم بەرەتىن مەكتەپتەر جوق. مەكتەپ جاسىنداعى بالالار بايزاق اۋدانىنىڭ قىزىل جۇلدىز اۋىلىنا جانە تاراز قالاسىنداعى №6، 14، 23 جانە باسقا دا مەكتەپتەرگە قاتىناپ وقيدى.
اتالعان القاپتا 5000-نان استام تۇرعىن تۇراتىنىن جانە وقۋشىلاردىڭ قىزىل جۇلدىز، باسقا دا قالا مەكتەپتەرىنە قاتىناپ وقۋىنداعى قيىندىقتى ەسكەرە كەلىپ، 1000 ورىندىق مەكتەپ سوعۋ قاجەتتىلىگى بار (10000 تۇرعىنى بار تاراز قالاسىنداعى ءاربىر مولتەك اۋدانىندا 1176 ورىندىق 2 مەكتەپتەن ورنالاسقان).
بۇگىنگى كۇنى «قاراساي» القابىنىڭ ورتالىق اۋماعىندا مەكتەپ سالاتىن ورىن جوق. ءاربىر جەكەمەنشىك ءۇيدىڭ جەر تەلىمى 15-20 جۇزدىكتى قۇرايدى. اتالعان مەكتەپ قۇرىلىسىن سالۋ ءۇشىن ينجەنەرلىك ينفراقۇرىلىمدى تارتۋ قاجەت، ياعني ورتالىقتاندىرىلعان جىلۋ، سۋ، كارىز، ەلەكتر جۇيەلەرىن جۇرگىزۋ كەرەك.
جەر تەلىمى مەن مەكتەپ، بالاباقشا قۇرىلىسىن سالۋ مۇمكىنشىلىگىن انىقتاۋ ءۇشىن كوميسسيا قۇرىپ، شەشىم قابىلدانۋى ءتيىس.
2018 جىلى «قاراساي» القابىنىڭ جولدارىن جوندەۋ (اسفالتتاۋ) جۇمىستارىنا جوبالىق-سمەتالىق قۇجاتى ازىرلەنەتىن بولادى.

Instagram

ايجان اۋەلبەكوۆا، «زناميا ترۋدا» وبلىستىق گازەتىنىڭ اقپارات ءبولىمىنىڭ رەداكتورى:
– سəلەمەتسىز بە، كəرىم ناسبەك ۇلى! جاقىندا جەرلەسىمىز سۇلۋجان Əبەنوۆا «مەن قازاقپىن» مەگاجوباسىندا كورەرمەن كوزايىمى اتانىپ، بارلىعىمىزدى قۋانتقان ەدى. الايدا ماعان بەرگەن سۇحباتىندا وڭىرىمىزگە ءدəستۇرلى ونەر مەكتەبى كەرەك ەكەنىن تىلگە تيەك ەتكەن بولاتىن. مىسالى، كورشىلەس جاتقان قىزىلوردا مەن وڭتۇستىك قازاقستان وبلىستارىنىڭ əر اۋدانىندا بىرنەشە ءدəستۇرلى əن مەكتەپتەرى بار. جىرشى-كومپوزيتور كەنەن Əزىرباەۆ پەن دəۋلەسكەر كۇيشى ءƏبدىمومىن جەلدىباەۆتاي تۇلعالاردى ەلگە سىيلاعان ولكەدە تالانتتار از ەمەس.
ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعانداي، ۇلتتىق ونەرىمىزدى ساقتاپ قانا قويماي، ونى دامىتۋعا ۇلەس قوساتىن ءدəستۇرلى ونەر مەكتەبىن اشۋعا ىقپال ەتسەڭىز، نۇر ۇستىنە نۇر بولار ەدى.
جاۋاپ:
– سالەمەتسىز بە، ايجان اۋەلبەكوۆا!
وبلىسىمىزدا جۇمىس ىستەيتىن 60 مەملەكەتتىك مەكتەپتەن تىس مەكەمەلەرىنىڭ 14-ءى بالالار ونەر مەكتەبى (بايزاق – 1، جۋالى – 4، قورداي – 1، مويىنقۇم – 1، ت.رىسقۇلوۆ – 1، سارىسۋ – 3، تالاس – 2، شۋ – 1)، وندا 5377 بالا ءتۇرلى باعىتتاعى ۇيىرمەلەردە قوسىمشا ءبىلىم الادى. اتالعان ونەر مەكتەپتەرىندە بالالار «ءداستۇرلى ءان»، «شەشەندىك سوزدەر»، «شي ونەرى»، «توقىما توقۋ»، «دومبىرا»، «قوبىز»، «حالىقتىق ۇلتتىق اسپاپتار» ت.س.س. باعىتتاردا ءبىلىم الۋدا.
ونەر مەكتەپتەرىنىڭ تاربيەلەنۋشىلەرى رەسپۋبليكالىق، حالىقارالىق بايقاۋلاردا جوعارى ماراپاتتارعا يە بولۋدا. ونىڭ ىشىندە حالىقتىڭ ۇلتتىق اسپاپتار وركەسترى، دومبىراشىلار مەن قوبىزشىلار انسامبلدەرى دە بار.
سونىمەن قاتار، وسى ونەر مەكتەپتەرىندە العان بىلىمدەرىن جالعاستىرۋعا نيەت بىلدىرگەن تۇلەكتەر تاراز قالاسىندا ورنالاسقان اباي اتىنداعى گۋمانيتارلىق كوللەدجىنىڭ «مۋزىكالىق ءبىلىم بەرۋ» بولىمىندە كاسىبي ءبىلىم الۋعا مۇمكىندىكتەرى بار.

Instagram

امرە ەلدوس (@amreeldos):
– تاراز قالاسىنداعى بازارلاردا ساۋدا جاسايتىن قىرعىز ەلىنىڭ ازاماتتارى نەگە سالىق تولەمەيتىنى بارشاعا ايان. سالىق ينسپەكتسياسىنىڭ قىزمەتكەرلەرى كەلگەندە قىرعىزدار زاتتارىن جيناپ، كەتىپ قالادى. «بەك»، «اۋىل – بەرەكە» بازارلارىنىڭ قوجايىندارى باسقا مەملەكەتتىڭ ازاماتتارىنىڭ بۇل ءىسىن جاسىرىپ-جاۋىپ وتىر. نەلىكتەن قاداعالاۋ جۇمىستارى جۇرگىزىلمەيدى؟
جاۋاپ:
– وبلىستىق مەملەكەتتىك كىرىستەر دەپارتامەنتى قىرعىز رەسپۋبليكاسى ەەو-عا مۇشە بولعالى بەرى كورشى ەلدىڭ ازاماتتارىنا ۋاقىتشا تىركەلۋ ءتارتىبىن ءتۇسىندىرۋ جۇمىستارىن جۇرگىزۋدە. وتكەن جىلى سونداي 10 سەمينار-كەڭەس وتكىزىلدى. تاراز قالاسىنداعى بازارلاردىڭ يەلەرىنە سالىق جۇيەسىندەگى وزگەرىستەر مەن تولىقتىرۋلار تۋرالى ءتۇسىندىرىلىپ، ارنايى بۋكلەتتەر مەن كىتاپشالار تاراتىلدى. وسى ماسەلەگە قاتىستى ءباسپاسوز بەتتەرىندە («زناميا ترۋدا»، «ماگنوليا»، «نوۆىي رەگيون»، «سالىق ءتارتىبى»، «اق جول») 6 ماقالا جاريالانىپ، شاعىن جانە ورتا بيزنەس وكىلدەرىمەن كەزدەسۋلەر وتكىزىلدى. ىشكى ىستەر دەپارتامەنتىنىڭ كوشى-قون پوليتسياسى، كولىك باقىلاۋ ينسپەكتسياسى بىرلەسىپ، ارنايى رۇقسات قۇجاتىنسىز جامبىل وڭىرىندە ساۋدا جاسايتىن قىرعىز ەلىنىڭ ازاماتتارىنىڭ ماسەلەسىن تالقىلاپ، ءتيىستى جۇمىستار جۇرگىزدى. سونداي-اق «ايشا ءبيبى»، «سىپاتاي باتىر»، «قورداي» شەكارا بەكەتتەرىندە مەملەكەتتىك شەكارادا تالون بەرۋ ءتارتىبى تالقىلانعان دوڭگەلەك ۇستەلدەر ۇيىمداستىرىلىپ، ارنايى شارالار قابىلداندى. سونىڭ ناتيجەسىندە قوسىمشا 155 سالىق تولەۋشى بارى انىقتالدى. ونىڭ 63-ءى – زاڭدى تۇلعالار، 93-ءى – جەكە كاسىپكەرلەر.

ۆكونتاكتە

شىنار نۇراحانوۆا، شۋ اۋدانى، تولە بي اۋىلىنىڭ تۇرعىنى، كوپ بالالى انا:
– Əكىم مىرزا، مەنىڭ التى بالام بار. سوڭعىسى – ۇشەم. ءۇيىمىز جوق، پəتەر جالداپ تۇرامىز.تۇرعان ءۇيىمىزدىڭ يەسى: «پاتەردى بوسات، ساتامىن!» – دەپ مازالاپ وتىر. قاتتى قينالىپ وتىرمىن. كومەكتەسۋىڭىزدى وتىنەمىن. كومىر جوق، ءۇي سۋىق، بالالار ءجيى اۋىرادى. اۋدان əكىمىنە ءتۇرلى سىلتاۋمەن كىرگىزبەدى. «نۇر وتان» ۋəدە بەردى، ناتيجە جوق. ءبىر اي بۇرىن رايسوبەس باستىعى 3 مۇشەك كومىر، 2 كەلى گرەچكا، 2 كەلى قانت اكەلدى دە، سونىمەن جوق بولدى. ول كىسىلەرگە بارا المايمىن، ءۇش بالادان شىعا المايمىن. وتىنەمىن كومەكتەسىڭىزشى.
جاۋاپ:
– تۇرعىن ءۇي بويىنشا: قازاقستان رەسپۋبليكاسىنىڭ «تۇرعىن ءۇي قاتىناستارى» تۋرالى زاڭىنىڭ 74-بابىنا سايكەس تۇرعىن ءۇي كەزەك ارقىلى بەرىلەدى. اۋداننىڭ جەرگىلىكتى اتقارۋشى ورگاندارى كوممۋنالدىق تۇرعىن ءۇي قورىنان تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج ادامدار ەسەبىنىڭ دارا (بولەك) تىزىمدەرىن جۇرگىزەدى. ولار:
1) ۇلى وتان سوعىسىنىڭ مۇگەدەكتەرى مەن قاتىسۋشىلارى;
1-1) جەتiم بالالار، اتا-اناسىنىڭ قامقورلىعىنسىز قالعان بالالار;
2) وسى زاڭنىڭ 68-بابىنىڭ 1-1)–5)، 7)–11) تارماقشالارىندا اتالعان حالىقتىڭ الەۋمەتتىك جاعىنان ءالسىز توپتارى;
3) مەملەكەتتiك قىزمەتشiلەر، بيۋدجەتتiك ۇيىمداردىڭ قىزمەتكەرلەرi، اسكەري قىزمەتشiلەر، عارىشكەرلىككە كانديداتتار، عارىشكەرلەر، ارناۋلى مەملەكەتتىك ورگان قىزمەتكەرلەرىنە جانە مەملەكەتتiك سايلانبالى قىزمەت اتقاراتىن ادامدار;
4) جالعىز تۇرعىن ءۇيى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اۆاريالىق جاعدايدا دەپ تانىلعان ازاماتتار.
جوعارىدا كورسەتىلگەن زاڭنىڭ 68-بابىنىڭ 1-1) تارماعىندا الەۋمەتتىك جاعىنان ءالسىز توپتارعا كوپ بالالى وتباسىلار دا كىرەدى. سوندىقتان، ءسىز ءتيىستى قۇجاتتاردى ۇسىنا وتىرىپ، تۇرعىن ءۇي كەزەگىنە تۇرۋ قىزمەتىن الۋ ءۇشىن حالىققا قىزمەت كورسەتۋ ورتالىعىنا جۇگىنە الاسىز.
الەۋمەتتىك كومەك بويىنشا: قازاقستان رەسپۋبليكاسىنىڭ «مەملەكەتتىك اتاۋلى الەۋمەتتىك كومەك تۋرالى» زاڭىنا سايكەس الەۋمەتتىك كومەك جان باسىنا شاققانداعى ورتاشا تابىسىن (وتباسىنىڭ جيىنتىق تابىسىنىڭ ايىنا وتباسىنىڭ ءاربىر مۇشەسىنە كەلەتىن ۇلەسىن) ەسەپتەۋ ارقىلى جۇزەگە اسىرىلادى. اتالعان الەۋمەتتىك كومەكتى الۋ ءۇشىن جۇمىسپەن قامتۋ ورتالىعىنا جۇگىنە الاسىز. سىزگە وسىعان دەيىن اۋداندىق جۇمىسپەن قامتۋ جانە الەۋمەتتىك باعدارلامالار ءبولىمى باسشىسىنىڭ تاراپىنان بەرىلگەن كومەك، دەمەۋشىلەردى تارتۋ ارقىلى جاسالعان كومەك بولاتىن.

Instagram

گۇلناز سەراليەۆا:
– سالەمەتسىزدەر مە، مەن مەركى اۋدانى، جامبىل اۋىلدىق وكرۋگى، سارا راحمانقۇلوۆا كوشەسى، №30 ءۇيدىڭ تۇرعىنىمىن. مەن تۇرىپ جاتقان جەردە بوس جاتقان، قوقىس توگىلگەن جەر تەلىمى بار ەدى، سول جەردى وزىندىك قوسالقى شارۋاشىلىقپەن اينالىسۋ ءۇشىن وزىمە العىم كەلەدى، بىراق اكىمدىككە بارسام، ول بوس ەمەس دەپ قايتارادى. «ەندى كىمنىڭ جەرى ەكەنىن انىقتاپ بىلەيىن، رۇقسات ەتىڭىزدەر!» – دەسەم: «ەگەسى بار»، – دەيدى. وسى ماسەلەنى تولىق شەشىپ بەرۋلەرىڭىزدى وتىنەمىن. «اكىم ساعاتىنا» حابارلاسسام، تەلەفون جەلىسى بوس بولمادى، وتىنەمىن وسىنى ناقتى انىقتاپ، جاۋابىن بەرسەڭىزدەر.
جاۋاپ:
– ءسىزدىڭ سۇراۋىڭىز بويىنشا بوس جاتقان جەر تەلىمىن انىقتاۋ ءۇشىن اۋىلدىق وكرۋگ اكىمى ءوز قۇزىرەتى شەگىندە اۋدان اكىمدىگىنىڭ ساۋلەت، قالا قۇرىلىسى جانە قۇرىلىس بولىمىنە جەر تەلىمىنىڭ الدىن الا تاڭداۋ اكتىسىن جاساتۋعا ۇسىنادى. الدىن الا جەر تاڭداۋ اكتىسى بويىنشا اۋداندىق جەر كوميسسياسىندا قارالىپ، كوميسسيا قورىتىندىسى نەگىزىندە جەرگە ورنالاستىرۋ جوباسى ازىرلەنەدى. جەرگە ورنالاستىرۋ جوباسىنا سايكەس كاداسترلىق اۆتوماتتاندىرىلعان مەملەكەتتىك اقپاراتتىق جۇيەدە جەر تەلىمىنىڭ بوس نەمەسە بوس ەمەس ەكەندىگى انىقتالادى. جوعارىدا اتالعانداردىڭ نەگىزىندە جەر تەلىمىن زاڭداستىرۋ ءۇشىن اۋىلدىق وكرۋگ اكىمىنە جازباشا قايىرىلساڭىز، ءوتىنىشىڭىز زاڭعا سايكەس قاراستىرىلاتىن بولادى.

گۇلناز سەراليەۆا:
– راحمەت، سىزدەرگە! جانە تاعى ءبىر ماسەلە: جاڭا سالىنعان كوشە بولعان سوڭ، جولىمىز ناشار، سوعان اسفالت سالۋعا كومەك بەرسەڭىزدەر، كوشە تۇرعىندارى قاراپايىم وتباسىلار.
جاۋاپ:
– و.ۇمبەتوۆ كوشەسى بويىنان 2004 جىلى 6 (التى) جەر تەلىمى بەرىلىپ، جاڭا س.راحمانقۇلوۆا كوشەسى تۇسكەن. قازىرگى تاڭدا 4 ءۇيدىڭ قۇرىلىسى اياقتالعان. اتالعان ۇيلەرگە باراتىن جول 100 مەتر شاماسىن قۇرايتىنى انىقتالدى. بۇل كوشەگە جەرگىلىكتى قاۋىمداستىق جيىنىندا قاراجات قاراستىرىلسا، ءبىرىنشى كەزەكتە جوبالىق-سمەتالىق قۇجاتتارى ازىرلەنىپ، ءتيىستى قاراجات بولىنگەن جاعدايدا، جوندەۋ جۇمىستارى جۇرگىزىلەتىن بولادى.

گۇلناز سەراليەۆا:
– ءوزىم جۇمىسسىزبىن، بالا كۇتىمىندەمىن، كۇيەۋىم – جالدامالى جۇمىسشى، جەر تەلىمىن الىپ، قوسالقى شارۋاشىلىقپەن اينالىسقىم كەلەدى.
جاۋاپ:
– بۇگىنگى كۇنگە ءبىرىنشى كەزەكتە مەركى اۋدانى بويىنشا ق. سارىمولداەۆ، سۇرات، اقتوعان اۋىلدىق وكرۋگتەرىندە جەر تەلىمدەرىنە ينفراقۇرىلىم جۇرگىزۋ بويىنشا جوبالاۋ-سمەتالىق قۇجاتتارىن دايىنداۋ جۇمىستارى جۇرگىزىلۋدە. ساراپتامالىق قورىتىندىسى دايىندالۋدا. وسىعان بايلانىستى اتالعان وكرۋگتەرگە قايىرىلىپ، جەر تەلىمىن الۋعا كەزەككە تۇرۋىڭىزعا بولادى.

Instagram

@aladdyn4:
– بيىل پاتەر بەرىلە مە؟ «تۇرعىن ءۇي قۇرىلىس جيناق بانكى» بويىنشا وسى جاڭا جىلعا دەيىن بەرىلەدى دەپ ەدى…
جاۋاپ:
– قازاقستاننىڭ «تۇرعىن ءۇي قۇرىلىس جيناق بانكى» اق جامبىل فيليالى ارقىلى پاتەر الۋدىڭ ءتارتىبى:
1. تۇرعىن ءۇي زاەمى.
تۇرعىن ءۇي زاەمى – بىرنەشە جىل بويى سومانىڭ بولىگىن جيناي وتىرىپ، ءارى قاراي كرەديت الۋدى تاڭدايتىن تۇتىنۋشىلارعا ارنالعان بانكتىڭ نەگىزگى ءونىمى. تۇرعىن ءۇي زاەمى بويىنشا ءوزىنىڭ جيناقتارى جانە تومەن سىياقى مولشەرلەمەلەرى ەسەبىنەن كادىمگى يپوتەكالىق كرەديتتى وتەۋگە قاراعاندا، زاەمشىعا تۇسەتىن كۇش بىرنەشە ەسەگە از بولادى.
2. ارالىق تۇرعىن ءۇي زاەمى.
ارالىق تۇرعىن ءۇي زاەمى – تۇرعىن ءۇي قۇرىلىس جيناقتارى جۇيەسىنىڭ قوسىمشا ءونىمى، ونىمەن جيناقتاۋعا ۋاقىتى جەتكىلىكسىز، بىراق، تۇرعىن ءۇي قۇنىنىڭ 50 پايىزى بار تۇتىنۋشىلار قولدانا الادى.
ارالىق تۇرعىن ءۇي زاەمىن الۋ ءۇشىن كليەنتكە تقج سالىمىن اشۋى جانە پاتەر قۇنىنىڭ 50 پايىزىن سالۋ قاجەت، بۇل اقشانى بانك ارالىق زاەمدى قامتاماسىز ەتۋگە باعىتتايدى.
سونىمەن قاتار ول سوماعا مەملەكەتتىڭ جىل سايىنعى سىيلىقاقىسى جانە بانكتىڭ سىياقىسى ەسەپتەلەدى. بانك ونىڭ ورنىنا سالىمشىعا تۇرعىن ءۇي قۇنىنان 100 پايىز مولشەردە جىلدىق 5 پايىزدان باستاپ 8،5 پايىزعا دەيىن (جتسم 5،3 پايىزدان باستاپ) زاەم بەرەدى.
جيناق مەرزىمىنىڭ سوڭىنا قاراي ارالىق زاەم كليەنتتىڭ جيناقتارىمەن جانە تۇرعىن ءۇي زاەمدارىمەن وتەلەدى جانە سول سەبەپتەن دە ونىمارالىق زاەم دەپ اتالادى.
سونداي-اق كۇتكىسى جانە جيناعىسى كەلمەگەندەر ءوزىنىڭ تۇرعىن ءۇي جاعدايىن قازىر-اق جاقسارتا الادى جانە كەيىن تۇرعىن ءۇي زاەمىنا وتە الادى.
3. «نۇرلى جەر» (كرەديتتىك تۇرعىن ءۇي)
«نۇرلى جەر» تۇرعىن ءۇي قۇرىلىسى باعدارلاماسى بويىنشا ءۇي الۋ ءۇشىن پاتەردىڭ جالپى باعاسىنىڭ كەمىندە 30 پايىزىن (الدىن الا تۇرعىن ءۇي زاەمى 5 پايىز (جتسم 5،2 پايىزدان باستاپ) تقج شارتىنا جيناقتاۋ قاجەت جانە بايقاۋعا قاتىسۋ ءۇشىن سوڭعى 5 جىلدا سىزدە جانە ءسىزدىڭ جاقىن تۋىستارىڭىزدا (جۇبايىڭىزدا جانە كامەلەتكە تولماعان بالالارىڭىزعا) قر اۋماعىندا سوڭعى 5 جىل ىشىندە تۇرعىن ءۇيدى يەلىكتەن شىعارۋ نەمەسە تۇرعىن ءۇي جاعدايلارىن ادەيى ناشارلاتۋ فاكتىلەرىنىڭ بولماۋى.
سونىمەن قاتار، قوسىمشا بايقاۋعا سوڭعى 5 جىلدا سىزدە جانە ءسىزدىڭ جاقىن تۋىستارىڭىزدا (جۇبايىڭىزدا جانە كامەلەتكە تولماعان بالالارىڭىزعا) قر اۋماعىندا سوڭعى 5 جىل ىشىندە تۇرعىن ءۇيدى يەلىكتەن شىعارۋ نەمەسە تۇرعىن ءۇي جاعدايلارىن ادەيى ناشارلاتۋ فاكتىلەرىنىڭ بولماۋى شەكتەۋى الىناتىنىن حابارلايمىز جانە قتقجب-نىڭ ىشكى قۇجاتتارىندا كوزدەلگەن تارتىپپەن تولەم قابىلەتىن راستاۋ قاجەت.
2017 جىلى «نۇرلى جەر» تۇرعىن ءۇي قۇرىلىسى باعدارلاماسى اياسىندا تاراز قالاسى، «اراي-2» مولتەك اۋدانىندا 6 تۇرعىن ءۇي، جالپى 480 پاتەر پايدالانۋعا بەرىلدى.
بۇگىنگى تاڭدا «تۇرعىن ءۇي قۇرىلىس جيناق بانكى» اق جامبىل فيليالى ارقىلى 150 ادام پاتەرگە يە بولدى. سونىمەن قاتار، قازىرگى تاڭدا پاتەر الۋعا قوسىمشا وتىنىشتەر قابىلدانۋدا.
مەملەكەتتىك باعدارلامالار اياسىنداعى بارلىق تۇرعىن ءۇي نىساندارى تۋرالى دەرەكتەر، ءوتىنىش بەرۋ، باسقا دا كوپتەگەن قىزمەت تۇرلەرىن baspana.kz سايتىندا كورە الاسىز.

facebook

قىمبات ءابدراحمانوۆا:
– سالەمەتسىزدەر مە، بىزگە سىزدەردىڭ كومەكتەرىڭىز قاجەت. مەنىڭ قايىن ءىنىم ەحينوكوككوز دەگەن جامان اۋرۋمەن اۋىرعانىنا 12 جىل بولدى. 5 رەت وپەراتسيا جاساتتىق كومەكتەسپەدى. ودان ارى اسقىنىپ، ۇلكەيىپ جاتىر. ءۇمىتىمىزدى ۇزگەن ەدىك. بىراق ينتەرنەتتەن يۋدجين كلينيكاسىن كورىپ قالدىق، ولار ەمدەلۋىنە 100 پايىز كەپىلدىك بەرەمىز دەدى. ءۇمىت قايتا ويانعان سياقتى بولعان ەدى، بىراق ەمىنە 5 ميلليون تەڭگە سۇراپ وتىر. ارينە، ونداي اقشا بىزدە جوق، تابا المايمىز دا. نەسيە الساق تا، جەتپەيدى، زەينەتكەرگە از اقشا شىعادى عوي. ەندى بار ءۇمىت سىزدەردە. وتىنەمىز، كىم قانشالىقتى كومەكتەسسە دە، ريزامىز. وتىرىك ايتادى دەپ سەنبەيتىن شىعارسىزدار. ەلدى الداۋدان اۋلاقپىز. ول ءالى جاس جىگىت. ونىڭ وتباسىلى، بالالى بولعانىن كورگىمىز كەلەدى. كومەكتەسكەن ادامدارعا اللا جار بولسىن! 87024999976 ايان حالىق بانك 4402 5735 6165 0732 AYAN ALTYNBEKOV
جاۋاپ:
سالەمەتسىز بە، قىمبات ءابدراحمانوۆا!
– قازاقستان رەسپۋبليكاسىنىڭ قولدانىستاعى بيۋدجەت قورىنان قايرىمدىلىق شارالارى ءۇشىن قاراجات ءبولۋ ماسەلەسى قاراستىرىلماعان.
الايدا، ءسىزدىڭ قايىن ءىنىڭىز، ەحينوكوككوز دياگنوزىمەن ديسپانسەرلىك ەسەپتە تۇرسا، «جامبىل وبلىسى اكىمدىگى دەنساۋلىق ساقتاۋ باسقارماسىنىڭ شتاتتان تىس ماماندارى تۋرالى» 2017 جىلى 24 اقپانىنداعى №175-ءو بۇيرىعىمەن بەكىتىلگەن، شتاتتان تىس حيرۋرگ مامانىنان كەڭەس الا الادى. ناۋقاستى قاراپ، اۋرۋ تاريحىمەن تانىسىپ، ناتيجەسىندە قانداي ەم، وتا قاجەتتىگىنە كەڭەس ناتيجەسىندە قورىتىندى جاسالادى. ناۋقاستىڭ قولىندا امبۋلاتورلى كارتاسى، ءىش قۋىسىنىڭ ۋدز-ءى، بيوحيميالىق اناليزدەرى بولۋى قاجەت. كەڭەس ناتيجەسىندە سىرقاتىنا بايلانىستى «ا.ن سىزعانوۆ اتىنداعى ۇلتتىق عىلىمي حيرۋرگيا ورتالىعى» اق-نا پورتال ارقىلى كەڭەس الۋعا نەمەسە ەم الۋعا جىبەرۋگە بولادى.

facebook

ماكەن ۋاقتەگى:
– كارىم ناسبەك ۇلى، شۋ اۋدانى تولە بي اۋىلى تۇرعىندارىن گازداندىرۋ جۇمىستارىنا قازاقستاندا جوق، قىمبات باعانى ۇسىنىپ وتىرعان «پاريەۆ» جشس-نا توقتاۋ سالار كۇن بولار ما ەكەن؟
جاۋاپ:
– سالەمەتسىز بە، ماكەن ۋاقتەگى!
شۋ اۋدانى تولە بي اۋىلىنىڭ تۇرعىندارىنىڭ وتىنىشتەرىنە سايكەس ءتيىستى قۇزىرلى مەملەكەتتىك ورگانداردىڭ جانە جامبىل وندىرىستىك فيليالى «قازترانسگاز ايماق» اكتسيونەرلىك قوعامى وكىلدەرىنەن قۇرالعان ارنايى توپ، تولە بي اۋىلىنا گاز كىرگىزۋ باعاسىن انىقتاۋ ماقساتىندا جەرگىلىكتى جەرگە شىعىپ، تۇرعىندارمەن بىرلەسىپ زەردەلەۋ جۇمىستارىن جۇرگىزدى.
زەردەلەۋ بارىسىندا اۋىلدىق وكرۋگ اكىمىنىڭ تاراپىنان تولە بي اۋىلىن گازداندىرۋ بويىنشا تۇرعىندارمەن وتكىزگەن جينالىستا «سەتەۆىە تەحنولوگي لومار» جشس جانە «پاريەۆ» جشس كومپانيالارى ۇسىنىلىپ، جينالىستىڭ قورىتىندىسى بويىنشا تۇرعىندار «پاريەۆ» جشس-نا تاڭداۋ جاساپ، گاز جۇرگىزۋ جۇمىستارىن اتقارۋعا كەلىسىمىن بەرگەن.
تولە بي اۋىلدىق وكرۋگى اكىمىنىڭ ءوتىنىشى بويىنشا جامبىل وندىرىستىك فيليالى «قازترانسگاز ايماق» اكتسيونەرلىك قوعامى 2015 جىلدىڭ 5 مامىرىندا №1492 «ىشكى كۆارتالدىق گاز جەلىلەردى جوبالاۋعا جانە ورتا قىسىمدى گاز قۇبىرىنا قوسۋعا تەحنيكالىق جاعدايلار» «پاريەۆ» جشس-نا بەرىلگەن.
2015-2016 جىلدارى تولە بي اۋىلىندا 4165 ءۇيدىڭ 105 ۇيىنە گاز تارتىلىپ، جەكە ەسەپتەگىش قۇرىلعىلار ورناتىلىپ، 285 ءۇي يەلەرىمەن كەلىسىمشارت جاسالعان. 2016 جىلى اۋىلدىڭ تۇرعىندارىنا گاز كىرگىزۋ باعاسىنىڭ قۇنى 570،0 مىڭ تەڭگە بولىپ «پاريەۆ» جشس-مەن جانە تۇرعىندار اراسىندا كەلىسىمشارت بويىنشا بەكىتىلگەن (ونىڭ ىشىندە: ماگيسترالدىق گاز قۇبىرى – 60،0 مىڭ تەڭگە; ۇيگە كىرگىزۋ – 120،0 مىڭ تەڭگە; ىشكى كۆارتالدىق جۇيەسى – 390،0 مىڭ تەڭگە).
تۇرعىنداردىڭ گاز كىرگىزۋ باعاسىن ارزانداتۋ تۋرالى وتىنىشتەرىنە سايكەس 2017 جىلى تولە بي اۋىلىنا «پاريەۆ» جشس سالىنعان ۇزىندىعى 8،7 شاقىرىم گاز كەلتىرەتىن قۇبىردى مەملەكەتتىك تەڭگەرىمىنە ساتىپ الۋعا وبلىس بيۋدجەتىنەن 251،0 ميلليون تەڭگە ءبولىنىپ، شۋ اۋدانى اكىمدىگىنىڭ تەڭگەرىمىنە بەرىلدى. بۇگىنگى تاڭدا ءار ۇيگە گاز كىرگىزۋ باعاسى 475،0 مىڭ تەڭگەنى قۇرايدى (ونىڭ ىشىندە: ۇيگە كىرگىزۋ – 120،0 مىڭ تەڭگە، ىشكى كۆارتالدىق جۇيەسى – 355،0 مىڭ تەڭگە).
قازىرگى تاڭدا باعا بويىنشا تولە بي اۋداندىق سوتىندا ءىس قارالۋدا جانە قازاقستان رەسپۋبليكاسىنىڭ تابيعي مونوپوليالاردى رەتتەۋ جانە تۇتىنۋشىلاردىڭ قۇقىقتارىن قورعاۋ كوميتەتىنىڭ وبلىس بويىنشا دەپارتامەنتى 2017 جىلدىڭ 11 تامىزىنان باستاپ ءىس جۇرگىزۋدە.
«قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ 2000 جىلعى 25 جەلتوقسانداعى №132 كونستيتۋتسيالىق زاڭىنىڭ 1-بابىنا سايكەس، سوت iسiن قاراۋ تارتiبiمەن قارالۋعا تيiس وتiنiشتەردi، ارىزدار مەن شاعىمداردى باسقا ەشقانداي ورگاننىڭ، لاۋازىمدى نەمەسە وزگە دە ادامداردىڭ قاراۋىنا نەمەسە باقىلاۋعا الۋىنا بولمايدى دەلىنگەن. سوندىقتان، سوت ورگاندارى ارىزدى قاراپ، شەشىم شىعارىلعان رەتتە وسى ماسەلە قۇزىرلى ورگاندارمەن قارالاتىندىعىن حابارلايمىز.

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>