ۇستازدار ۇستانىمى – جاڭاشىلدىققا ۇمتىلۋ

ۇستازدار ۇستانىمى – جاڭاشىلدىققا ۇمتىلۋ

تولقىن جورابەكقىزى،
№1 مەكتەپ-ليتسەيىنىڭ جوعارى ساناتتى مۇعالىمى

ەلباسىنىڭ ءار جىلعى جولداۋى – تاريحي قۇجات. قايسىسىن الىپ قاراساڭىز دا، ستراتەگيالىق ماڭىزدىلىعى مەن بەلگىلى ءبىر مەرزىمدە ناقتى مىندەتتەر مەن ماسەلەلەردىڭ شەشىلۋىن قامتاماسىز ەتۋگە باعىتتالعانىن كورەمىز. بيىلعى جولداۋ دا وسى تۇرعىدان سيپاتتالعان: ءبارىمىزدى ەلىمىزدىڭ جاڭعىرۋ جولىنداعى جارقىن ىستەرگە جۇمىلدىرىپ وتىر. جاسامپازدىققا جەتەلەپ، ەلىمىزدىڭ ەڭسەسىن بيىكتەتىپ، عالامدىق وركەنيەت كوشىنە باستاۋدا.
ۇلت كوشباسشىسى بيىلعى جولداۋىندا جەتىنشى باسىمدىق رەتىندە ادامي كاپيتالدىڭ جاڭعىرۋ نەگىزى ەكەنىن اتاپ كورسەتتى. وعان ءبىلىم بەرۋ ءىسىن جاڭا ساپاعا كوتەرۋ ارقىلى قول جەتكىزەتىنىمىزدى العا تارتتى. بۇل باعىتتا سالا ماماندارىنىڭ ايانىپ قالماۋى قاجەتتىگىن مىندەتتەدى. وسى ورايدا مەملەكەت باسشىسى «ءبىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ بولۋعا ءتيىس» دەپ اتاپ كورسەتتى. جاڭاشىلدىققا، ۇنەمى ىزدەنىسكە ۇمتىلۋ كەز كەلگەن ءپان مۇعالىمىنىڭ ومىرلىك ۇستانىمى بولۋى ءتيىس. بۇگىندە ەلىمىزدىڭ ورتا ءبىلىم بەرۋ سالاسىندا جاڭارتىلعان مازمۇنعا كوشۋ جۇمىستارى باستالىپ كەتكەنى بەلگىلى. ەلباسىمىز بۇل ۇدەرىستىڭ 2021 جىلى اياقتالاتىنىن ايتتى. ءوزىم ەڭبەك ەتەتىن قۇلان اۋىلىنداعى №1 مەكتەپ-ليتسەيى دە سوڭعى ءۇش جىلدان بەرى جاڭارتىلعان ءبىلىم بەرۋ جۇيەسىنە كوشكەن. ءوزىم وسى وقۋ جىلىنان باستاپ جاڭارتىلعان ءبىلىم بەرۋ مازمۇنى بويىنشا بەسىنشى سىنىپ وقۋشىلارىنا ساباق وتەمىن. تاجىريبەدە بايقاعانىم جاڭا جۇيە پەداگوگتەردەن زامان كوشىنەن قالماي، باسەكەگە قابىلەتتى مامان بولىپ قالۋ ءۇشىن بىلىكتىلىكتى ۇدايى شىڭداپ وتىرۋدى تالاپ ەتەدى ەكەن. ارينە، ەسەلى ەڭبەكتىڭ، ىزدەنىستىڭ وتەۋى دە بولاتىنى قۋانتادى. پرەزيدەنت نۇرسۇلتان نازارباەۆ جاڭارتىلعان مازمۇنعا كوشكەن مۇعالىمدەردىڭ جالاقىسىن 30 پايىزعا كويبەيتۋدى تاپسىردى. ەگەر ءبىز ءوز بىلىكتىلىگىمىزدى ودان ءارى شىڭداپ، جۇمىستا بەلسەندىلىك پەن جاڭاشىلدىق تانىتساق، تابىسىمىز دا ودان ءارى ۇلعايا بەرمەك.
جاڭارتىلعان مازمۇن دەگەنىمىز – حالىقارالىق ستاندارتتارعا ساي كەلەتىن جانە نازارباەۆ زياتكەرلىك مەكتەپتەرىندە بەيىمدەلۋدەن وتكەن زاماناۋي وقۋ باعدارلامالارى. مۇنداي جاڭاشىلدىق بالالارعا قاجەتتى فۋنكتسيونالدىق ساۋاتتىلىق پەن سىني تۇرعىدان ويلاۋ قابىلەتىن دارىتادى. سونىمەن قاتار ەلباسى 2018 جىلى كاتەگوريالار اراسىنداعى الشاقتىقتى ارتتىرىپ، مۇعالىمدەر ءۇشىن بىلىكتىلىك دەڭگەيىن ەسكەرەتىن كاتەگوريالاردىڭ جاڭا كەستەسىن ەنگىزۋدى تاپسىردى.
ەل ەرتەڭى جارقىن بولۋى ءۇشىن ءبىلىمنىڭ كوكجيەگىن كەڭەيتە بەرۋ ابزال. سەبەبى ادامي كاپيتال – قوعامنىڭ اجىراماس بولىگى، مەملەكەت دامۋىنىڭ نەگىزى.

قۇلان اۋىلى،
ت.رىسقۇلوۆ اۋدانى

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>