تەحنيكالىق نوكاۋت. قانات يسلام جەڭىلىپ كورمەگەن كانادالىق قارسىلاسىنان باسىم ءتۇستى

تەحنيكالىق نوكاۋت. قانات يسلام جەڭىلىپ كورمەگەن كانادالىق قارسىلاسىنان باسىم ءتۇستى

قازاقستاندىق كاسىپقوي بوكسشى قانات Qazaq يسلام جەڭىلىپ كورمەگەن كانادالىق قارسىلاسى برەندون كۋكتى تەحنيكالىق نوكاۋتپەن جەڭدى، – دەپ حابارلايدى Vesti.kz. استانادا وتكەن جەكپە-جەكتىڭ ءبىرىنشى راۋندىنان-اق باسىمدىعىن كورسەتكەن وتانداسىمىز كانادالىققا ۇدەتە اۋىر سوققىلار جاسادى، ال ءۇشىنشى راۋندتا وڭ قولىمەن شىرەنە جاساعان سوققىسىنان قارسىلاسى اۋىر نوكداۋنعا ءتۇستى. كۋكتى بۇل جاعدايدان گونگ قۇتقاردى. ال ءتورتىنشى راۋندتا قانات يسلام ەسەڭگىرەپ قالعان كانادالىقتى تىقسىرتا تۇسكەن، الايدا ول ەڭسەسىن تىكتەپ، قورعانىستى ويلاعان. بەسىنشى راۋندتىڭ باسىندا Qazaq ءوز قارسىلاسىن تاعى دا اۋىر نوكداۋنعا ءتۇسىردى. بۇل جولى سوققى سول قولمەن جاسالدى. التىنشى راۋندتا كانادالىق ەسىن جيعانداي دا بولدى، بىرنەشە سوققىسى قازاقستاندىققا ءتيىپ جاتتى. الايدا سەگىزىنشى راۋندتا وتانداسىمىز ونى ءۇشىنشى مارتە نوكداۋنعا تۇسىرگەن. مۇندا دا برۋكتى گونگ قۇتقاردى.  جەكپە-جەكتىڭ نۇكتەسى توعىزىنشى راۋندتا قويىلدى. تورەشى تەحنيكالىق نوكاۋتتى تىركەدى.  وسىلايشا قانات يسلام كاسىپقوي بوكستاعى 25-ءشى جەڭىسىنە قول جەتكىزىپ وتىر. قازاقستاندىق WBO NABO جانە WBA Inter-Continental تيتۋلدارىن قورعاپ قالدى. ال قارسىلاسى برەندون كۋك تۇڭعىش رەت جەڭىلىستىڭ اششى ءدامىن تاتتى – 18 كەزدەسۋىنىڭ بارىندە دە جەڭىسكە جەتكەن ول قازاقستاندىق بوكسشىعا ەسە جىبەرىپ وتىر.

اقپارات كوزى tengrinews.kz

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>