تارازدان ەلەكتروبۋس كورسەڭىز، تاڭعالماڭىز

تارازدان ەلەكتروبۋس كورسەڭىز، تاڭعالماڭىز

قارلىعاش ەسبەرگەنوۆا

ەلباسىنىڭ بيىلعى «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى حالىققا جولداۋى جاڭا الەم كوشباسشىلارىنىڭ قاتارىنا قوسىلۋ ءۇشىن قانداي مەجەلى مىندەتتەردى ورىنداۋىمىز كەرەك ەكەنىن ايقىن كورسەتتى.

ءيا، بۇگىنگى تالاپ مۇلدەم باسقا. قازىنالى قازبا بايلىقتارىمىزدىڭ قورى شەكتەۋلى ەكەنىن جولداۋ تاعى ءبىر مارتە ەسكە سالدى. 2017 جىلى ەلىمىزدە وتكەن ەكسپو كورمەسى سانامىزدا بولاشاقتىڭ بەدەرى تۋرالى ناقتى تۇسىنىك قالىپتاستىرعان بولاتىن. «جاسىل ەكونوميكا»، «بالامالى ەنەرگيا كوزدەرى» اتتى كورمە تاقىرىبى ءبىزدى پسيحولوگيالىق تۇرعىدان ەرتەڭگى كۇنگە دايىندادى دەۋگە بولادى.
زامان تالاپتارىنا بەيىمدەلۋدىڭ كورىنىسى ءبىزدىڭ وڭىردە دە بايقالا باستادى. ماسەلەن، «جاسىل ەكونوميكا» باعدارلاماسى اياسىندا قالا كوشەلەرىندە ەكولوگيالىق تۇرعىدان زيان كەلتىرمەيتىن قوعامدىق كولىكتەردى ىسكە قوسۋ جوسپارلانىپ وتىر. بۇل باستاما بۇرىنعى وبلىس باسشىسىنىڭ قىتاي حالىق رەسپۋبليكاسىنا جۇمىس ساپارى بارىسىندا سۋچجوۋ قالاسىندا ورنالاسقان «Higer Quazar» وندىرىستىك كەشەنىنە بارىپ، اتالعان كەشەننىڭ جۇمىسىمەن تانىسقاننان كەيىن كوتەرىلگەن بولاتىن. ساپار بارىسىندا سونداي-اق قالاارالىق جانە قالاىشىلىك قوعامدىق كولىكتەردى ساتىپ الۋ، «Quazar» اتتى ەلەكترلىك اۆتوبۋستار قۇراستىراتىن زاۋىت قۇرىلىسىن تاراز قالاسىندا باستاۋ ماسەلەلەرى دە قارالعان.
كەزدەسۋدىڭ ناتيجەسىندە جىلىنا 300 ەلەكترلىك اۆتوبۋس شىعاراتىن زاۋىتتىڭ قۇرىلىسىن «تاراز» يندۋستريالدى پاركى» اۋماعىندا سالۋ تۋرالى مەموراندۋمعا قول قويىلعان ەدى. جوبانىڭ قۇنى 3 ميلليارد تەڭگەنى قۇرايدى. تاراپتار اراسىنداعى ىنتىماقتاستىقتىڭ ماقساتى – ينۆەستيتسيالىق جوبانى ىسكە اسىرۋ. جامبىلدىق دەلەگاتسيا قوس قالا اراسىندا كولىك مەنەدجمەنتى بويىنشا تاجىريبە الماسۋدى تۇراقتى ورناتۋعا قىزىعۋشىلىق تانىتتى.
ەكولوگيالىق تازا اۆتوبۋستار بولاشاقتا الەمنىڭ بارلىق قالاسىندا پايدا بولۋى عاجاپ ەمەس. سەبەبى، ەلەكتر قۋاتىمەن جۇرەتىن كولىك جانارمايدى قاجەت ەتپەيدى، اۋانى دا لاستامايدى. قوعامدىق كولىكتىڭ جاڭا نۇسقاسىن ەلوردامىزدا ۇيىمداستىرىلعان ەكسپو كورمەسىندە بەلارۋس ەلى تانىستىرعانى ەسىمىزدە. اۆتوبۋستىڭ قۋاتى العاشقى ايالدامادان سوڭعىسىنا دەيىن جەتەدى. ەگەر اۆتوبۋس باعىتى ۇزاق بولسا، قوسىمشا قۋاتتاۋ ستانسالارى قاراستىرىلعان. ماسەلەن، ءبىر ايالدامادان جولاۋشىلار اۆتوبۋستان ءتۇسىپ-مىنگەنشە، 5 مينۋتتىڭ ىشىندە ونى قۋاتتاپ الۋعا بولادى. 90 جولاۋشىعا ارنالعان، جىلدامدىعى ساعاتىنا 60 شاقىرىمعا جەتەتىن بۇل بەلارۋستىق ەلەكتروبۋستار كورمە بارىسىندا كوپتەگەن مەملەكەتتەردىڭ قىزىعۋشىلىعىن وياتقان-دى.
ايتا كەتەرلىگى، الماتى قالاسىندا «Higer Quazar» ەكولوگيالىق تازا ەلەكتر اۆتوبۋستارىن شىعاراتىن زاۋىت پايدالانۋعا بەرىلىپ، كومپانيا ەكى ءتۇرلى ەلەكترلى اۆتوبۋستاردى قۇراستىرعان. ال استانادا «ەكسپو–2017» حالىقارالىق مامانداندىرىلعان كورمەسى كەزىندە «Higer Quazar» قازاقستاندىق ەلەكتروبۋسى العاش رەت قالا كوشەلەرىمەن جۇرگەن بولاتىن.
ەندى وسىنداي زاماناۋي قوعامدىق كولىكتەر ءبىزدىڭ كونە شاھارىمىزدىڭ كوشەلەرىندە زىمىراپ جاتسا، بۇل ۋاقىت تالابىمەن تەڭ قادام باسۋدىڭ بەلگىسى بولماق. بۇگىندە جوبانى ىسكە اسىرۋ ءۇشىن بىرقاتار ماسەلەلەر بويىنشا ينۆەستورلارمەن كەلىسسوزدەر جۇرگىزىلۋ ۇستىندە.

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>