بۇل – بالشىق ەمەس، بايلىق

بۇل – بالشىق ەمەس، بايلىق

اقكولدىڭ جاعاسىنان «ايشا ءبيبى» شيپاجايى اشىلدى

قاسيەتتى قۇربان ايتتىڭ العاشقى كۇنىندە جامبىل اۋدانى، قىزىلتاڭ اۋىلىندا «ايشا ءبيبى» شيپاجايى اشىلدى. بۇل جەردە بۇرىندا ەمدەۋ ورتالىعى بار بولاتىن. عيماراتىنىڭ توزىعى جەتىپ، ابدەن ەسكىرگەن مەكەمە ەسكەرۋسىز قالعان. بىراق، وبلىس اكىمى كارىم كوكىرەكباەۆ اقكول كولىنىڭ ەمدىك اسەرى بار بالشىعىن پايدالانۋ ءۇشىن بۇل نىسانعا قايتا جوندەۋ جۇمىستارىن جۇرگىزىپ، شيپاجاي اشۋدى تاپسىرعان بولاتىن. مىنە، ەندى، سول تاپسىرما جۇزەگە اسىپ، ەل يگىلىگىنە بەرىلىپ وتىر.
شيپاجاي – كىشى اقكولدىڭ جاعاسىندا قونىس تەپكەن. ماماندار بۇل كولدىڭ تابانىنا جىلدار بويى جينالعان لاي بالشىقتىڭ ەمدىك اسەرى وتە جوعارى ەكەنىن ايتادى. قۇددى ءبىر بالشىق ەمەس، بايلىق دەرسىڭ. وسى جەردە ەكى جىل بۇرىن قۇرىلىسى باستالعان 120 ورىندىق شيپاجايدىڭ عيماراتىنا وبلىستىق بيۋدجەتتەن 520،4 ميلليون تەڭگە ءبولىندى. تالاي ءىستى ۇلكەن جاۋاپكەرشىلىكپەن اتقارعان مەردىگەر كومپانيا – «بينوم Group» جاۋاپكەرشىلىگى شەكتەۋلى سەرىكتەستىگىنىڭ جۇمىستى ساپالى اتقارعانى كورىنىپ تۇر.
وڭىرىمىزدە جاڭا شيپاجاي پايدالانۋعا بەرىلەدى دەگەن سوڭ جۇرت قاراپ جاتسىن با، ساۋىقتىرۋ ورتالىعىنىڭ اشىلۋ سالتاناتىنا جينالعاندار كوپ بولدى. كوپشىلىكتى جاڭا نىساننىڭ اشىلۋىمەن قۇتتىقتاپ، ءسوز سويلەگەن وبلىس اكىمى كارىم كوكىرەكباەۆ سالاداعى سەرپىندى ىستەردى ايتىپ ءوتتى.
– قادىرلى كوپشىلىك! ءبىز بۇگىن كوپتەن كۇتكەن «ايشا ءبيبى» شيپاجايىنىڭ اشىلۋ سالتاناتىنا جينالىپ وتىرمىز. بىلتىر كەڭەس كەزەڭىندە ىرگەسى قالانعان ەسكى عيماراتقا كۇردەلى جوندەۋ جۇمىستارىن جۇرگىزۋدى قولعا العان بولاتىنبىز. جاڭارىپ، ساۋلەتتەنە تۇسكەن مەكەمە زاماناۋي جاڭا تەحنولوگيالارمەن جابدىقتالدى. وزگە وڭىرلەردە دە بالشىقپەن ەمدەلەتىن شيپاجايلار بار. جاڭادان اشىلىپ جاتسا دا، بۇل شيپاجاي ولاردان كەم تۇسپەيدى. قايتا كەيبىر ەمدەۋ تۇرلەرى بويىنشا ەلىمىزدە تەڭدەسى جوق ەمدەۋ ورنى بولايىن دەپ تۇر.

ەلباسى الەۋمەتتىك سالالاردىڭ دامۋىنا باسا كوڭىل ءبولىپ كەلەدى. حالىق دەنساۋلىعىن ساقتاۋ – مەملەكەتتىك ساياساتتىڭ باسىم باعىتتارىنىڭ ءبىرى. سوڭعى 5 جىل ىشىندە ءبىزدىڭ وڭىردە 30 ميلليارد تەڭگەگە 29 ءىرى دەنساۋلىق نىسانى سالىنۋى – سونىڭ ايعاعى.

2025 جىلعا دەيىن وبلىسىمىزدا 93 دەنساۋلىق ساقتاۋ مەكەمەسىن سالۋ جوسپارلانۋدا. بۇل شيپاجاي 150 ادامدى جۇمىسپەن قامتىپ وتىر، – دەدى كارىم ناسبەك ۇلى.
وبلىستىق ارداگەرلەر كەڭەسىنىڭ توراعاسى ەركىنبەك سولتىباەۆ شيپاجايدىڭ اشىلۋىن وبلىس ومىرىندەگى ەلەۋلى وقيعا دەپ باعالادى. بۇعان باستاماشى بولىپ ءارى قۇرىلىستىڭ ساپالى جۇرگىزىلۋىن تىكەلەي باقىلاۋىنا العان وبلىس اكىمى كارىم كوكىرەكباەۆ ەكەنىن ايتتى.
شيپاجايدىڭ رەسمي اشىلۋ شاراسىنان كەيىن وبلىس اكىمى كارىم ناسبەك ۇلى جاڭا عيماراتتى ارالاپ كوردى. ەم-شارا جاسالاتىن بولمەلەردىڭ بارلىعى جاڭا تەحنولوگيالارمەن جابدىقتالعان. ەمدەۋ بلوگى، ىشەكتى تازارتۋ، ماسساج، گيدروماسساج، ۆاننا بولمەسى، كەدر بوشكەلەرى زامان تالابىنا ساي. مۇندا تەراپەۆت، ورتوپەد، ۋرولوگ، گينەكولوگ، دارىگەر-رەابيليتولوگ، ستاموتولوگ، ۋدز دارىگەرى، كارديولوگ، نەۆروپاتولوگ، جالپى 16 بىلىكتى دارىگەر، 30 ورتا ءبىلىمدى مەديتسينالىق قىزمەتكەر ەڭبەك ەتەدى.
ەرەسەك تۇرعىنداردىڭ ەمدەلۋ ۋاقىتى – 13 كۇن. ەمدەۋشىلەر وبلىستىق دەنساۋلىق ساقتاۋ باسقارماسىنىڭ جولداماسىمەن كەلەدى، كەيبىر ەمدەۋ تۇرلەرى اقىلى بولادى.
جاس مامان سۇلەيمەن مۇساەۆ وسى مەكەمەدە ەڭبەك ەتۋگە بەل بۋىپتى. بۇل ينسۋلتتان كەيىنگى ساۋىقتىرۋعا تاپتىرمايتىن ورىن، دەيدى ماماندار.
قازىردىڭ وزىندە جاڭا اشىلعان شيپاجايدىڭ بالشىعىنا ەلىمىزدىڭ وزگە وڭىرلەرىن ايتپاعاندا، يران، اراب ەلدەرىنەن دە قىزىعۋشىلىق تانىتىپ جاتقاندار بار ەكەن.
«مۇندا سۇيەك بۋىن، ومىرتقا سۇيەكتىڭ قيسايۋى، ەر مەن ايەلدىڭ بەلسىزدىگى جانە باسقا دا سىرقاتتارعا ەم-دوم شارالارى جۇرگىزىلەدى. تۇرعىندار دەنساۋلىعىن ساۋىقتىرۋعا كىشى اقكول كولىنىڭ تۇبىنە مىڭداعان جىلدار بويى جينالعان مينەرالدى بالشىقتىڭ تيگىزەر سەپتىگى مول»، – دەيدى وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ.

ەسەت دوسالى،
«اق جول».

جامبىل اۋدانى.

سۋرەتتەردى تۇسىرەگن
اقادىل رىسماحان.

About admin

2 comments

  1. سالەمەتسىزدەر مە؟ مەن وسى شيپاجاي ۇجىمىمەن قالاي حابارلاسا الام؟ مالىمەت العىم كەلەدى. الايدا شيپاجايدىڭ بايلانىس تەلەفوندارى جوق. بۇكىل عالامتوردى ىزدەپ شىقتىم، انىقتاما بيۋروسىنا حابارلاستىم، تابا المادىم. سىزدەردەن ءوتىنىپ سۇرايمىن وسى شيپاجايدىڭ بايلانىس تەلەفونتارىن تاۋىپ بەرە الاسىزدار ما؟ مىنا پوچتاعا جولداساڭىزدار بولادى aikabegalina@gmail.com

  2. الدىن الا راحمەت!

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>