«استانا» تاعى دا جەڭىلدى

«استانا» تاعى دا جەڭىلدى

ۆتب بىرىڭعاي ليگاسىندا توپقا ءتۇسىپ جاتقان «استانا» باسكەتبولشىلارىنىڭ ءساتسىز سەرياسى تىيىلار ەمەس. ەلوردا تورىندە «نيجني نوۆگورود» كومانداسىن قابىلداعان قازاقستاندىق كوماندا تاعى دا جەڭىلىس تاپتى.
ءبىرىنشى كەزەڭدە وتانداستارىمىز قارسىلاستارىنان كەم تۇسكەن جوق. شابۋىلعا شابۋىلمەن ءۇن قاتقان «استانا» ويىنشىلارى العاشقى ون مينۋتتىقتا 18:17 ەسەبىمەن باسىم ءتۇستى. باسكەتبولشىلارامىزدىڭ جانارىنان جەڭىسكە دەگەن جىگەردى دە بايقاعانداي بولدىق.
ەكىنشى كەزەڭدە دە قازاقستاندىق كوماندانىڭ ويىنشىلارى ءجيى شابۋىلداپ، ەسەپ ايىرماسىن ۇزارتۋعا تىرىسىپ باقتى. باسكەتبولشىلارىمىز كەيبىر ساتتەردە ءمۇلت كەتىپ جاتتى دەمەسەك، بۇل كەزەڭدە دە «استانا» باسىمدىعى بايقالدى. قورىتىندىسىندا ەكىنشى شيرەكتە «استانا» 20:17 ەسەبىمەن جەڭىسكە جەتىپ، ۇپاي ايىرماشىلىعىن تورتكە دەيىن جەتكىزدى.
وكىنىشكە قاراي ءۇشىنشى شيرەكتە قوناقتاردىڭ باسىمدىعى ايقىن اڭعارىلىپ تۇردى. وسى كەزەڭ ويىن تاعدىرىن شەشىپ كەتتى. «استانا» باسكەتبولشىلارى ءۇشىنشى ون مينۋتتىقتا بىلگەندەرىنەن جاڭىلىپ جاتتى. ادەمى ۇيىمداستىرىلعان شابۋىلداردىڭ دەنى ناتيجەسىز اياقتالدى. ال قارسىلاستارىمىز ۇپاي قورىن مولايتا بەردى. قورىتىندىسىندا «نيجني نوۆگورود» 26:18 ەسەبىمەن جەڭىس تويىن تويلادى.
شەشۋشى كەزەڭدە ەكى كوماندانىڭ دا ويىنشىلارى اسا بەلسەندى كورىندى. ءار شابۋىلدى ناتيجەلى اياقتاپ جاتتى. قالاي بولعان كۇندە دە بۇل ون مينۋتتىقتا «استانا» ايقىن باسىمدىلىق تانىتا المادى. وسىلايشا ەلوردالىق كلۋب سوڭعى كەزەڭدە 27:25 ەسەبىمەن جەڭىسكە جەتكەنىنە قاراماستان، قوناقتارعا 73:85 ەسەبىمەن ۇتىلىپ قالدى.
«استاناعا» ءبىر سىلكىنىس كەرەك-اق. دودا بارىسىندا توعىز رەت جەڭىلىسكە ۇشىراعان وتانداستارىمىز سوڭعى ءتورت ويىندا جەڭىس ءدامىن سەزىنە الماي كەلەدى. ون ءبىر كەزدەسۋدە تەك ەكى رەت باسىمدىلىق تانىتقان «استانانىڭ» ويىنى قايتسە تۇزەلەر ەكەن؟

تابيعات ابايلداەۆ.

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>