ارقا توسىندەگى ارمان قالا

ارقا توسىندەگى ارمان قالا

DSC_0245-

ەربول قامباتىروۆ:

«تىعىلىپ تۇياعىڭنان شاباتۇعىن،
ءبىرى ەمەسپىن باتىراشتاي بالتالىنىڭ»

«اق جول» گازەتى وبلىس اكىمدىگى مادەنيەت ارحيۆتەر جانە قۇجاتتاما باسقارماسىمەن بىرلەسە وتىرىپ، استانانىڭ 20 جىلدىعىنا وراي «ارقا توسىندەگى ارمان قالا» اتتى ايتىس اقىندارىنىڭ جىر دوداسىن باستادى. ايتىستى ۇلكەن زالدان، تەلەارنالاردان تاماشالاۋ ءبىر باسقا دا، گازەتتەن وقىپ، اقىنداردىڭ قارىم-قابىلەتىن بايقاپ، تاپقىرلىعىن تانۋ ءبىر بولەك ەكەنى بەلگىلى. تىڭداپ وتىرىپ العان مەزەتتىك اسەردەن گورى اقىنداردىڭ ءسوز سايىسىن گازەت بەتىنەن وقىپ، ويلى وقىرماننىڭ ءوز باعاسىن بەرگەنىن ءجون كورگەن جاڭا جوبامىز كوپشىلىكتىڭ كوڭىلىنەن شىعادى دەگەن ويدامىز.
ساۋلەتىنە داۋلەتى ساي استانانىڭ بۇگىنگى اجارىن، ەلىمىزدىڭ دامۋ جولىنداعى ەرلىگى مەن ەلدىگىن ولەڭمەن كەستەلەۋدى ءجون كورگەن جوبامىزعا ەسىمى ەلگە تانىس ەربول قامباتىروۆ، دارحان ءابدىمانات، نۇرلىبەك قۇرمانوۆ، قانات مىرزاحان، اليك بەكمۇساەۆ، رايحان ماسەلبەكوۆا سىندى ايتىسكەر اقىندار قاتىسقالى وتىر. ەلوردامىزدىڭ جيىرما جىلدىعىنا ارنالعان ايتىس الامانى مەرەيتوي قارساڭىندا، ياعني شىلدە ايىندا، اياقتالادى. جىر دوداسىنىڭ قازىسى – گازەت وقىرماندارى. الداعى ۋاقىتتا ءار جۇپتىڭ (ەربول قامباتىروۆ – دارحان ءابدىمانات، نۇرلىبەك قۇرمانوۆ – قانات مىرزاحان، اليك بەكمۇساەۆ – رايحان ماسەلبەكوۆا) ايتىسى گازەت سايتىندا (http://akjolgazet.kz/) تولىعىمەن جاريالانىپ، وقىرمانداردىڭ داۋىس بەرۋ ناتيجەسىندە ۇزدىك شىققاندار جۇلدەگەرلەر قاتارىنان كورىنىپ، قارجىلاي سىيلىقتارعا يە بولماق. بۇگىن ايتىسىمىزدى بەلگىلى اقىن ەربول قامباتىروۆ باستايدى. گازەتىمىزدىڭ الداعى ساندارىنىڭ بىرىندە ونىڭ قارسىلاسى، جاس پەرى دارحان ءابدىمانات اعاسىنا جاۋاپ بەرەتىن بولادى. ءار اقىن ءۇش رەتتەن ءسوز الماق. ەندەشە، ىسكە ءسات، اقىندار!

 شىرقاتىپ شابىتىمنىڭ اسقاق ءəنىن،

ورتاعا جىردان كوكپار تاستاعانىم.
مەرەيلى مەرەكەسى قارساڭىندا،
ارايلى استاناداي باس قالانىڭ.
تەپسە تەمىر ۇزەتىن تەگەۋرىندى،
جىگىتتىك جاسى عوي بۇل استانانىڭ.
وبلىستىڭ باس گازەتى قولعا الىپتى،
بەرەكەلى تىزگىنىن باستامانىڭ.
قۇدايىم قۋاتقا دا قۋات بەرسىن،
جادىراتقان اقىنداردىڭ قاس-قاباعىن.
قۇلاق ەستىپ، قالدىق قوي مəز-مəيرام بوپ،
مəرتەبەلى مادەنيەتتىڭ قوشتاعانىن.
ۇلكەنى بولعاننان سوڭ اقىنداردىڭ،
ءجون بولار بۇل ايتىستى باستاعانىم.

اسسالاۋماعالەيكۋم، دارحان ءىنىم،
ايتىستا ايتارى بار ارقالى ءىنىم،
ءبىزدىڭ «اق جول» باستاپتى ءبىر باستاما،
ايشىقتاپ اقىنداردىڭ بار قادىرىن.
سايلاپتى ساعان جۇپ قىپ مىنا مەنى،
ورىنسىز بولار وعان تاڭعالۋىم.
شامام كەلسە سيپايىن شاشتارىڭنان،
ءبىز بولماساق، قاعادى ارقانى كىم؟
تىعىلىپ تۇياعىڭنان شاباتۇعىن
ءبىرى ەمەسپىن باتىراشتاي بالتالىنىڭ.
مەنىمەنەن ايتىسقاننىڭ جولى بولار،
جاستاردىڭ جانىن قورعار قالقانىمىن
ايتىستان سوڭ ءوزىڭدى سەزىنەرسىڭ،
الپينيستەي باعىندىرعان «حان-ءتاڭىرىن».
تاۋەكەل دەپ بەل شەشىپ بەلدەسەيىك،
تارتپاسىن تۇلپارىڭنىڭ تارت ال، ءىنىم.
سەن ەدىڭ جاس تۇلپارعا بالاعانىم
قۇلاق سال سوزدەرىنە نار – اعانىڭ،
ۇيلەنىپ ءۇي بولىپسىڭ، قۇتتى بولسىن
ۇزىلمەي ماڭگىلىككە ارالارىڭ.
ەستىگەندە ءبىر قۋانىپ، ءبىر مۇڭايدىم
كەلمەي تۇر جۇرەگىڭدى جارالاعىم.
ايتپاسا ولمەيدى مە ءسوز اتاسى؟
دۇرىس بولار تۇسىنىكپەن قاراعانىڭ
«ءبىر باسىڭ ەكەۋ بولسىن» – دەپ، بايزاقتا
ۇمىتتىڭ با باتاسىن جان اعانىڭ؟
ەسىڭ شىعىپ كەتتى-اۋ دەيمىن،دارحان ءىنىم
قارىق بولىپ ءوزىڭنىڭ قاعاناعىڭ.
«ءوزى بولعان قىز توركىنىن تانىماس» دەپ
بەتاشارعا شاقىرۋعا جارامادىڭ.
سىنىڭدى بۇزباس ەدى، سۇيىنشىگە
ءبىر تايلاق الىپ بارسا، قارا نارىڭ.

وتىرساڭ سوزدەرىمنىڭ ۇعىپ ءبارىن،
سۇزگىدەن وتكىزگەندەي سۇرىپتاعىن.
دەگەنمەن ەل ەدىك قوي «قازاق» دەگەن
ساقتاعان سالت-ءداستۇر مەن عۇرىپتارىن.
ايەلىمنىڭ اتى ءۇمىت بولعاننان سوڭ
مەن بىلەمىن الدا تالاي ءۇمىت بارىن.
ايىبىن تۇسىنەتىن ارلى ازامات
سەزەمىن دارحان دەگەن جىگىت بارىن.
اللا ءوزى بۇيىرتىپ ءساتى كەلسە،
تويىڭا شاقىرۋدى ۇمىتپاعىن.

مەنەن باسقا قوزدىرار ارقاڭدى كىم،
موينىڭا جىردىڭ جۇگىن ارتار كۇنىڭ.
ازاماتتىق تانىتساڭ بۇل اعاڭا،
القالى ەل الدىندا ارتار قۇنىڭ.
«ەر بول!» دەپ ريزا بولسىن ەربول اعاڭ،
دارحان ءىنىم كورسەتسە دارحاندىعىن.

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>